ଭୁବନେଶ୍ୱର: ରାଜ୍ୟରେ ଆଉ ୫୧ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିରେ କଳାହାଣ୍ଡି ଓ ନୟାଗଡ଼ରୁ ୧୧ ଜଣ ଲେଖାଏଁ ଆକ୍ରାନ୍ତ ଥିବା ବେଳେ କଟକରୁ ୯, ଯାଜପୁର ୫, ଗଞ୍ଜାମ ୪, ମୟୁରଭଞ୍ଜ ୩, ଜଗତସିଂହପୁର ୨, ଅନୁଗୁଳ ୨, ସମ୍ବଲପୁର ୨, ପୁରୀ ୧ ଏବଂ ମାଲକାନଗିରିରୁ ୧ ଆକ୍ରାନ୍ତ ଅଛନ୍ତି । ଏମାନଙ୍କୁ ମିଶାଇ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୧୧୦୩ କୁ ବୃଦ୍ଧି ପାଇଛି ।
ସେପଟେ ଗଞ୍ଜାମର ଆଉ ଜଣେ ଆକ୍ରାନ୍ତଙ୍କର ମୃତ୍ୟୁ ହୋଇଛି । ତାଙ୍କର ବୟସ ୮୫ ବର୍ଷ ଏବଂ ସେ ସୁରତରୁ ଫେରି ପଜିଟିଭ୍ ଚିହ୍ନଟ ହୋଇଥିଲେ । ୟାଙ୍କୁ ମିଶାଇ ରାଜ୍ୟରେ କରୋନା ମୃତ୍ୟୁ ସଂଖ୍ୟା ୭ ହୋଇଛି । ସମୁଦାୟ ଆକ୍ରାନ୍ତଙ୍କ ମଧ୍ୟରୁ ୩୪୩ ସୁସ୍ଥ ହେଲେଣି । ଏବେ ଆକ୍ଟିଭ୍ କରୋନା ଆକ୍ରାନ୍ତଙ୍କ ସଂଖ୍ୟା ୭୫୩ ।
ଜିଲ୍ଲାୱାରି ଆକ୍ରାନ୍ତଙ୍କ ସଂଖ୍ୟା; ବ୍ରାକେଟ୍ ରେ ଆକ୍ଟିଭ୍ ସଂଖ୍ୟା
ଗଞ୍ଜାମ ୩୧୭(୧୮୨), ଯାଜପୁର ୧୭୯(୧୧୯), ବାଲେଶ୍ୱର ୧୨୨(୯୫), ଭଦ୍ରକ ୯୫(୭୦), ଖୋର୍ଦ୍ଧା ୭୧(୨୦), ପୁରୀ ୪୫(୪୨), କେନ୍ଦ୍ରାପଡ଼ା ୪୦(୩୨), ବୌଦ୍ଧ ୩୩(୩୩), ଜଗତସିଂହପୁର ୩୦(୨୫), ସୁନ୍ଦରଗଡ଼ ୨୭(୧୩), ନୟାଗଡ଼ ୨୧(୨୦), ଅନୁଗୁଳ ୧୯(୧୯), ମୟୁରଭଞ୍ଜ ୧୪(୭), କଳାହାଣ୍ଡି ୧୩(୧୧), କେନ୍ଦୁଝର ୮(୬), ବଲାଙ୍ଗୀର ୬(୪), ସମ୍ବଲପୁର ୫(୫), ମାଲକାନଗିରି ୩(୩), କନ୍ଧମାଳ ୩(୩), ଝାରସୁଗୁଡ଼ା ୨(୦), ଢ଼େଙ୍କାନାଳ ୨(୧), ଦେବଗଡ଼ ୨(୧), କୋରାପୁଟ ୧(୦) ।
