ଭୁବନେଶ୍ୱର: ରେପିଷ୍ଟ ବାବା ଆଶାରାମଙ୍କ ଭକ୍ତ ତାଲିକାରେ ଓଡ଼ିଶାର ‘ପଣ୍ଡା’ ପରିବାର! ବାବା ଯେବେ ବି ଓଡ଼ିଶା ଆସୁଥିଲେ ‘ପଣ୍ଡା’ ତାଙ୍କର ସାନ୍ନିଧ୍ୟ ପାଇଁ କୁଆଡ଼େ ବ୍ୟାକୁଳ ହେଉଥିଲେ । ବାବାଙ୍କ କୋଟି କୋଟି ଅନୁଗାମୀଙ୍କ ତାଲିକାରେ ‘ପଣ୍ଡା’ ପରିବାରର ନାଁ ଗଡ଼ିବାରେ ଆଶ୍ଚର୍ଯ୍ୟ ହେବାର କିଛି ନାହିଁ । ମାତ୍ର ପଣ୍ଡା ମାଲିକାନାର କମ୍ପାନୀ ହେଲିକପ୍ଟର ଆଶାରାମଙ୍କ ସେବାରେ ନିୟୋଜିତର ଫାଇଲ୍ ଫଟୋ ଏକ ପ୍ରମୁଖ ଦୈନିକ ଖବରକାଗଜରେ ବାହାରିଲା ପରେ ରୋଚକ ଚର୍ଚ୍ଚା ହେଉଛି ।
୨୦୦୯ ମସିହାରେ ଏକ ଆଧ୍ୟାତ୍ମିକ କାର୍ଯ୍ୟକ୍ରମରେ ଯୋଗଦେବାକୁ ଆଶାରାମ ଅନୁଗୁଳ ଆସିଥିଲେ । ଭୁବନେଶ୍ୱରରୁ ଅନୁଗୁଳ ଉଡ଼ିଯାଇଥିଲେ ପଣ୍ଡା ଆଣ୍ଡ୍ କୋଃ ହେଲିକପ୍ଟରରେ । କୁଆଡ଼େ ‘ସିନିୟର ପଣ୍ଡା’ଙ୍କ ସୌଜ୍ୟନତାରୁ ଆଶାରାମଙ୍କୁ ଏହି ହେଲିକପ୍ଟର ଯୋଗାଇ ଦିଆଯାଇଥିଲା । ତେବେ କଥାଟି ହେଉଛି, ଭକ୍ତଙ୍କ ମଧ୍ୟରେ ଆଶାରାମଙ୍କର ସେତେବେଳେ ପ୍ରବଳ କ୍ରେଜ୍ ଥିଲା ସତ ହେଲେ ବାବା ବିବାଦରେ ଫସିସାରିଥିଲେ । ୨୦୦୮ ମସିହାରେ ବାବାଙ୍କ ଅହମ୍ମଦାବାଦ ଓ ଛିଣ୍ଡୱାର୍ ଆଶ୍ରମରେ ଗୋଟିଏ ମାସରେ ୪ଟି ଶିଶୁଙ୍କ ରହସ୍ୟଜନକ ମୃତ୍ୟୁ ତାଙ୍କୁ ବିବାଦୀୟ କରିଥିଲା । ବାବାଙ୍କ ବିରୋଧରେ ଜମି ହଡ଼ପ ଅଭିଯୋଗ ବି ଆସିସାରିଥିଲା । ଜାତୀୟ ଗଣମାଧ୍ୟମ ତାଙ୍କୁ ବିବାଦୀୟ ବାବା ଭାବେ ଚିତ୍ରଣ କରିସାରିଥିଲେ ।
ଠିକ୍ ସେହି ସମୟରେ ବାବାଙ୍କୁ ‘ପଣ୍ଡା’ଙ୍କ ବେମଜାନ୍ ଆତିଥ୍ୟେୟତା ଏବେ ପଦାକୁ ଆସିଲା ପରେ ଜମାଣିଆ ଚର୍ଚ୍ଚା ହେଉଛି । ବାବାଙ୍କ ଦୁର୍ଦ୍ଦଶା ସାଙ୍ଗରେ ପଣ୍ଡାଙ୍କ ଦୁର୍ଦ୍ଦଶାକୁ ଅନେକ ଯୋଡିଲେଣି । ରେପ୍ କେସ୍ ରେ ଦୋଷୀ ସାବ୍ୟସ୍ତ ହୋଇ ଆଶାରାମ୍ ଆଜୀବନ ସଜ୍ଜା ପାଇଲା ବେଳକୁ ‘ପଣ୍ଡା’ଙ୍କୁ ବି ଦୁର୍ଦ୍ଦଶା ଘୋଟି ଆସିଛି । ରାଜନୈତିକ ପତିଆରା ଗଲାଣି, ସାଙ୍ଗକୁ ବେପାର ବି ଘାଟା ହେଲାଣି । ସାହା କେବଳ ଟିଭି ଓ ଟୁଇଟର୍ । ଏହା ଇଶ୍ୱରଙ୍କ ବିଡ଼ମ୍ବନା ବୋଲି ଜଣେ ‘ପଣ୍ଡା’ ଭକ୍ତ କହିଛନ୍ତି ।
ଅସୁବିଧା କୋଉଠି, ହେଲିକ୍ୟାପ୍ଟର ଭଡାରେ ବି ଯାଇଥାଇପାରେ