‘କୌନ୍ ବନେଗା କରୋଡପତି’ ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଆସନ୍ତାକାଲି(ଶୁକ୍ରବାର) ରାତି ୯ଟାରେ

ଭୁବନେଶ୍ୱର: ସୋନି ଚାନେଲର ଲୋକପ୍ରିୟ ରିୟଲିଟି ଶୋ ‘କୌନ୍ ବନେଗା କରୋଡପତି’ ବା କେବିସିରେ ଏଥିରେ ଦେଖିବାକୁ ମିଳିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଗ ବି’ ଅମିତାଭ ବଚନଙ୍କ ସହ ମୁଖ୍ୟମନ୍ତ୍ରୀ ବିଶ୍ୱକପ ହକି ବାବଦରେ ସ୍ୱତନ୍ତ୍ର ପ୍ରଶ୍ନାବଳୀର ଉତ୍ତର ରଖିବେ । ଭିଡ଼ିଓ କନଫରେନସିଂ ଯୋଗେ ମୁଖ୍ୟମନ୍ତ୍ରୀ ଶୋ’ ରେ ଯୋଗଦେବେ । ୧୨ ତାରିଖ ରାତି ୯ଟା ବେଳେ କର୍ମବୀର ସ୍ପେଶାଲ୍ ନାଁରେ ଉକ୍ତ ଏପିସୋଡ଼ ପ୍ରସାରିତ ହେବ ।

ଏହି ଏପିସୋଡରେ ଭାରତୀୟ ହକି ଦଳର ବରିଷ୍ଠ ଖେଳାଳିମାନେ ହଟସିଟ୍ ରେ ଦେଖିବାକୁ ମିଳିବେ । ଭୁବନେଶ୍ୱରରେ ଆୟୋଜିତ ହେଉଥିବା ବିଶ୍ୱକପ୍ ହକି ଲାଗି ବିଗ ବି’ ସେମାନଙ୍କୁ ଉତ୍ସାହିତ କରୁଥିବା ଦେଖିବାକୁ ମିଳିବ । ହକି ପ୍ରତି ଓଡ଼ିଶାବାସୀଙ୍କ ଭଲ ପାଇବାକୁ ବିଗ୍ ବି ପ୍ର୍ରଶଂସିତ କରୁଥିବା ବି ଦର୍ଶକ ଦେଖିବେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉଦ୍ୟମକୁ ବି ବିଗ୍ ବି’ ଙ୍କ ପ୍ରଶଂସା ଦେଖିବେ ଦର୍ଶକ ।

ନଭେମ୍ବର ୨୮ ରୁ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ଭୁବନେଶ୍ୱରର କଳିଙ୍ଗ ଷ୍ଟାଡିୟମ୍ ରେ ବିଶ୍ୱକପ୍ ହକି ଅନୁଷ୍ଠିତ ହେଉଛି । ରାଜ୍ୟ ସରକାର ଏହାର ପ୍ରଚାର ଓ ପ୍ରସାର ପାଇଁ ଉଦ୍ୟମ ଜାରି ରଖିଛନ୍ତି । କେବିସି ଶୋ ଏହି ପ୍ରଚାରର ଅଂଶବିଶେଷ ବୋଲି କୁହାଯାଉଛି ।