ଭୁୁବନେଶ୍ୱର: ଦେଶର ଶ୍ରେଷ୍ଠ ୧୦୦ ବିଶ୍ୱବିଦ୍ୟାଳୟ ତାଲିକାରେ ଓଡ଼ିଶାର ତିନୋଟି ବିଶ୍ୱବଦ୍ୟାଳୟ ସ୍ଥାନ ପାଇଛି । ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟ (ସୋଆ) ୨୦ ତମ ସ୍ଥାନରେ ଥିବା ବେଳେ କିଟ୍ ବିଶ୍ୱବିଦ୍ୟାଳୟ ୨୧ ତମ ସ୍ଥାନରେ ରହିଛନ୍ତି । ତେବେ ସର୍ବ ପୁରାତନ ଉତ୍କଳ ବିଶ୍ୱବିଦ୍ୟାଳୟ ସେମାନଙ୍କଠାରୁ ପଛରେ ପଡ଼ିଯାଇଛି । ଆଜି ପ୍ରକାଶ ପାଇଥିବା ୨୦୨୧ ମସିହାର ଏନଆଇଆରଏଫ ରାଙ୍କିଙ୍ଗରେ ଉତ୍କଳ ବିଶ୍ୱବିଦ୍ୟାଳୟ ୮୭ ତମ ସ୍ଥାନରେ ରହିଛି ।
ଗତବର୍ଷର ବିଶ୍ୱବିଦ୍ୟାଳୟ ରାଙ୍କିଙ୍ଗ୍ ରେ ସୋଆ ସେହି ୨୦ ତମ ସ୍ଥାନରେ ଥିଲା । ତେବେ କିଟ୍ ବିଶ୍ୱବିଦ୍ୟାଳୟର ୨୪ ତମ ସ୍ଥାନରେ ଏବଂ ଉତ୍କଳ ବିଶ୍ୱବିଦ୍ୟାଳୟ ୯୬ତମ ସ୍ଥାନରେ ଥିଲା । ଖୁସିର କଥା, ଶ୍ରେଷ୍ଠ ତାଲିକାରେ ସୋଆ ନିଜର ସ୍ଥାନ ବଜାୟ ରଖିଛି ଏବଂ କିଟ୍ ନିଜ ସ୍ଥାନକୁ ଉନ୍ନୀତ କରିଛି । ଉତ୍କଳ ବିଶ୍ୱବିଦ୍ୟାଳୟ ମଧ୍ୟ ନିଜର ସ୍ଥାନକୁ ଉନ୍ନୀତ କରିପାରିଛି ।
ରାଙ୍କିଙ୍ଗ ସାମଗ୍ରିକ କାଟାଗୋରିରେ ଗତବର୍ଷ ସୋଆ ୩୮ତମ ସ୍ଥାନରେ ଥିଲା ବେଳେ ଏଥର ୩୭ତମ ସ୍ଥାନ ହାସଲ କରିଛି । ଇଂଜିନିୟରିଂ ପାଠ୍ୟକ୍ରମରେ ଗତବର୍ଷ ୩୪ ତମ ସ୍ଥାନରେ ଥିଲା ବେଳେ ଏଥର ୩୨ ତମ ସ୍ଥାନ ହାସଲ କରିଛି । ମେଡ଼ିକାଲ୍ ପାଠ୍ୟକ୍ରମରେ ଗତବର୍ଷ ୨୩ ତମ ସ୍ଥାନରେ ଥିଲା । ଏଥର ୧୪ ତମ ସ୍ଥାନକୁ ଆସିଛି ସୋଆ ।
ସେହିଭଳି, ଶ୍ରେଷ୍ଠ ଆଇନ ବିଦ୍ୟାଳୟ ତାଲିକାରେ କିଟ୍ ଲ’ ସ୍କୁଲ ଏଥର ଦଶମ ସ୍ଥାନରେ ରହିଛି । କିଟ୍ ଅନ୍ୟ ସମସ୍ତ ବିଭାଗ ମଧ୍ୟ ଗତବର୍ଷ ତୁଳନାରେ ଉଲ୍ଲେଖନୀୟ ସଫଳତା ପ୍ରଦର୍ଶନ କରିଛନ୍ତି ।
