ଗ୍ରୀନ୍ ଜର୍ସିରେ ନବୀନ, ଫଟୋ ଭାଇରାଲ୍

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ତିନୋଟି ଫଟୋ ଆଜି ସୋସିଆଲ୍ ମିଡିଆରେ ଭାଇରାଲ୍ ହୋଇଛି । ମୁଖ୍ୟମନ୍ତ୍ରୀ ଧଳା ରଙ୍ଗର ଟ୍ରାଉଜର୍ ସାଙ୍ଗକୁ ସବୁଜ ରଙ୍ଗର ଜର୍ସି ପିନ୍ଧି ପିନ୍ଧିଛନ୍ତି । ଜର୍ସି ଆଗ ପଟରେ ‘ଓଡ଼ିଶା- ଅନ ଦ ମୁଭ୍’ ଟ୍ୟାଗ୍ ଲାଇନ୍ ଲେଖାଥିଲା ବେଳେ ପଛରେ “ବନ୍ଦେ ଉତ୍କଳ ଜନନୀ” ଲେଖାଯାଇଛି । ଗୋଟିଏ ଫଟୋରେ ମୁଖ୍ୟମନ୍ତ୍ରୀ ଶ୍ରୀକୃଷ୍ଣଙ୍କ ମୂର୍ତ୍ତି ଆଗରେ ଛିଡ଼ା ହୋଇ ମୁଣ୍ଡିଆ ମାରୁଛନ୍ତି ।

ମୁଖ୍ୟମନ୍ତ୍ରୀ ଏହି ନୂଆ ଜର୍ସି ପିନ୍ଧି ସାମନାକୁ ଆସିବା ପଛରେ ରହିଛି ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି । ତାହା ହେଉଛି, ରାଜ୍ୟ ସରକାର ଏଣିକି ଏହି ସବୁଜ ରଙ୍ଗର ଜର୍ସିକୁ ସୋଭେନିୟର ଭାବେ ବ୍ୟବହାର କରିବେ । ଓଡ଼ିଶା କ୍ରୀଡ଼ା ପାଇଁ ରାଜ୍ୟବାସୀ ଏହି ସବୁଜ ରଙ୍ଗର ଜର୍ସି ବାଛିଛନ୍ତି । ଭୋଟିଂ ଜରିଆରେ ରାଜ୍ୟ କ୍ରୀଡ଼ା ପାଇଁ ଜର୍ସି ବାଛିବାକୁ ୫-ଟି ସଚିବ ଭି.କେ.ପାଣ୍ଡିଆନ୍ ସୋସିଆଲ୍ ମିଡିଆରେ ଅନୁରୋଧ କରିଥିଲେ । ଅପସନ୍ “ବି’ ରେ ଥିବା ସବୁଜ ରଙ୍ଗର ଜର୍ସିକୁ ଲୋକଙ୍କ ସର୍ବାଧିକ ଭୋଟ ମିଳିଥିଲା ।