ପୁଣି ମାତିଲା ପାଗଳା ଅଭିଜିତ୍

ଭୁବନେଶ୍ୱର: ବୈଜୟନ୍ତ ପଣ୍ଡାଙ୍କ କୁଖ୍ୟାତ ବନ୍ଧୁ ଅଭିଜିତ୍ ଆୟାର ମିତ୍ରର ଟୁଇଟର୍ ପାଗଳାମି ପୁଣି ବାହାରିଛି । ଓଡ଼ିଆ ଓ ଓଡ଼ିଶାର ଐତିହ୍ୟ ଓ ସଂସ୍କୃତି ଉପରେ କଟୁ ମନ୍ତବ୍ୟ ଦେଇ ଜେଲ୍ ରେ ସାବାଡ଼ ହୋଇଥିଲେ ବି ସଜାଡ଼ି ହୋଇନି । ଜାତିର ପିତା ମହାତ୍ମା ଗାନ୍ଧୀଙ୍କ ପ୍ରତି ଅତ୍ୟନ୍ତ ନୀଚ୍ଚ ଓ ଅଶାଳୀନ ମନ୍ତବ୍ୟ ଦେବାକୁ ସାହାସ କରିଛି । ଜାତିର ପିତାଙ୍କୁ ଯୌନ ପିପାଶୁ ଆଖ୍ୟା ଦେଇଛି ଏହି ଜାଣିଶିଣା ପାଗଳ ।

ବିଜେପିର ଭୋପାଳ ଲୋକସଭା ଆସନ ପ୍ରାର୍ଥୀ ସାଧ୍ୱୀ ପ୍ରଜ୍ଞା ସିଂହ ଠାକୁର ଗତକାଲି ଏକ ସାକ୍ଷାତକାରରେ, ମହାତ୍ମା ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗଡ଼ସେଙ୍କୁ ଦେଶଭକ୍ତ ବୋଲି କହିଥିଲେ । ସାଧ୍ୱୀଙ୍କ ଏହି ମନ୍ତବ୍ୟ ସମଗ୍ର ଦେଶବାସୀଙ୍କୁ ଆଘାତ ଦେବା ସହ ରାଜନୈତିକ ଝଡ଼ ସୃଷ୍ଟି କରିଛି । ବିଜେପିର ତାଗିଦ୍ ପରେ ସାଧ୍ୱୀ ତାଙ୍କ ମନ୍ତବ୍ୟ ପାଇଁ କ୍ଷମା ମାଗିଥିଲେ ମଧ୍ୟ ତାହା କ୍ଷମଣୀୟ ହୋଇନାହିଁ । ବିଭିନ୍ନ ମହଲରୁ ତୀବ୍ର ସମାଲୋଚନାର ଶରବ୍ୟ ହେଉଛନ୍ତି ସାଧ୍ୱୀ । ‘ଦ ହିନ୍ଦୁ’ ର ନ୍ୟାସନାଲ୍ ଏଡ଼ିଟର ସୁହାସିନୀ ହାଇଦର ଟୁଇଟ୍ ଜରିଆରେ ଏଭଳି ମନ୍ତବ୍ୟକୁ କଳିଯୁଗ ଆଖ୍ୟା ଦେଇ କ୍ଷୋଭ ଓ ସମାଲୋଚନା କରିଥିଲେ ।

ତେବେ ଶ୍ରୀମତୀ ହାଇଦରଙ୍କ ଏହି ଟୁଇଟ୍ ଉପରେ ରିଟୁଇଟ୍ କରି ଅଭିଜିତ୍ ଆୟାର ଅଭଦ୍ରାମୀର ସୀମା ଲଂଘିଛି । ମହାତ୍ମା ଗାନ୍ଧୀଙ୍କୁ ଅତି ନୀଚ ଭାଷାରେ ଚିତ୍ରଣ କରିବାକୁ ପଛାଇନାହିଁ । ନିଜ ବାଲ୍ୟଜୀବନରେ ନାବାଳିକାଙ୍କ ସହ ଯୌନ ସମ୍ପର୍କ ରଖୁଥିବା ଲୋକ ଭାରତରେ ଜାତିର ପିତା, ଯାହାକି ଘୋର କଳିଯୁଗ ବୋଲି ଅଭିଜିତ୍ କଟାକ୍ଷ କରିଛି ।

ଅଭିଜିତ୍ ର ଏହି ଟୁଇଟର ମନ୍ତବ୍ୟ ଅଧିକ ଝଡ଼ ସୃଷ୍ଟି କରିଛି । ଓଡ଼ିଶା ପୁଲିସଠାରୁ ନାମ ପାଇ ଜେଲ୍ ଯିବା ପରେ ବି ବୁଦ୍ଧି ଶିଖିନି । ତାକୁ ଆଉ ଥରେ ଜେଲ୍ ରେ ପୂରାଇ ଭଲ କିନା ନାମ ଶିଖାଇବାକୁ ବହୁ ବ୍ୟକ୍ତି ପ୍ରତିକ୍ରିୟା ରଖିଛନ୍ତି । ବାକ୍ ସ୍ୱାଧୀନତା ଆଳରେ ନିଜ ସୀମା ଲଂଘୁଥିବା ଏହି ବ୍ୟକ୍ତିକୁ କଠୋର ଦଣ୍ଡ ଦେବାକୁ ଦାବି ହୋଇଛି ।