ଭୁବନେଶ୍ୱର: ଷ୍ଟାର୍ଟଅପ୍ ତିଆରି ଏବଂ ଏହାର କଳେବର ବୃଦ୍ଧି ନିମନ୍ତେ ରାଜ୍ୟ ସରକାରଙ୍କ ଉଦ୍ୟମରେ ଛିଡ଼ା ହୋଇଛି ଇନକ୍ୟୁବେସନ୍ ହବ୍ । ଭୁବନେଶ୍ୱରର ପଟିଆ ସ୍ପେଶାଲ୍ ଇକୋନମିକ୍ ଜୋନ୍ ଠାରେ ନିର୍ମିତ ‘ଓ-ହବ୍’ ର ଆଜି ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦେଢ଼ଲକ୍ଷ ବର୍ଗଫୁଟ୍ ଅଞ୍ଚଳରେ ଏହି ବିଶ୍ୱସ୍ତରୀୟ ହବ୍ ଅତ୍ୟାଧୁନିକ ଜ୍ଞାନ କୌଶଳରେ ନିର୍ମିତ ହୋଇଛି ।
ଉଦ୍ୟୋଗୀମାନଙ୍କ ସାମଗ୍ରୀ/ସେବାର ବିକାଶ ସହ ଷ୍ଟେକହୋଲଡର୍ସ ମାନଙ୍କ ମଧ୍ୟରେ କଥାବାର୍ତ୍ତା ପାଇଁ ଏହା ପ୍ଲାଟଫର୍ମ ଭାବେ ବ୍ୟବହୃତ ହେବ । ଗୋଟେ ଛାତ ତଳେ ସମସ୍ତେ ଏକାଠି ହୋଇ କାମ କରିବେ ।
ଶୁଭାରମ୍ଭ ଅବସରରେ ମୁଖ୍ୟମନ୍ତ୍ରୀ କହିଥିଲେ ଯେ ଅର୍ଥନୈତିକ ସ୍ୱାଧୀନତା, ଜ୍ଞାନ ଏବଂ ଉଦଭାବନର ଏଜେଣ୍ଟ ହେଉଛନ୍ତି ଷ୍ଟାର୍ଟଅପ୍ । ସ୍ୱାସ୍ଥ୍ୟସେବା, ରେନେବୁ୍ୟଲ୍ ଏନର୍ଜି, ଆଇସିଟି, ଆର୍ଟିଫିସିଆଲ୍ ଇଣ୍ଟିଲିଜେନ୍ସ, ମେସିନ୍ ଲର୍ଣ୍ଣିଂ, ଅଗମେଣ୍ଟେଡ଼ ରିୟଲିଟି/ ଭର୍ଚୁଆଲ୍ ରିୟଲିଟି, ହାଣ୍ଡଲୁମ୍, ହାଣ୍ଡିକ୍ରାଫ୍ଟ୍, ଏଗ୍ରି-ଟେକ୍ ଆଦି କ୍ଷେତ୍ରରେ ପ୍ରତିବର୍ଷ ୨୦୦ ଷ୍ଟାର୍ଟଅପ୍ ର ସୁବିଧା କରାଇବ ଓ-ହବ୍ ।
