ଓଡ଼ିଆ ଝିଅ ହ୍ରୀଷିତାଙ୍କ କମାଲ୍

ଭୁବନେଶ୍ୱର: ଦିଲ୍ଲୀ ବିଶ୍ୱବିଦ୍ୟାଳୟର ଓଡ଼ିଆ ଛାତ୍ରୀ ହ୍ରୀଷିତା ହିମାଲିକା ଊଚ୍ଚ ଶିକ୍ଷା ପାଇଁ ପ୍ରତିଷ୍ଠିତ Imperial Business School (Imperial College London) ଦ୍ୱାରା ଚୟନ ହୋଇଛନ୍ତି । ସେ ସେଠାରେ M.Sc in Strategic Marketing ରେ ଊଚ୍ଚ ଶିକ୍ଷା ଲାଭ କରିବେ । Imperial College ଶିକ୍ଷା କ୍ଷେତ୍ରରେ ଉତ୍କର୍ଷ ପାଇଁ ପ୍ରମୁଖ ବିଶ୍ୱବିଦ୍ୟାଳୟ ସ୍ତରରେ ପୃଥିବୀରେ ଦ୍ୱିତୀୟ ସ୍ଥାନ ଲାଭ କରିଛି । ହ୍ରୀଷିତା Imperial College ବ୍ୟତୀତ ଅନ୍ୟ ତିନୋଟି ବିଶ୍ୱ ସ୍ତରୀୟ ବିଶ୍ୱବିଦ୍ୟାଳୟ ଯଥା Trinity College, Warwick University ଓ Edinburgh University ଦ୍ୱାରା ମଧ୍ୟ ଚୟନ ହୋଇଥିଲେ। ସେ ଗତ ବର୍ଷ ଲଣ୍ଡନ ସ୍କୁଲ ଅଫ ଇକୋନୋମିକସ (LSE )ରେ ଶିକ୍ଷା ଲାଭ କରିଥିଲେ ।

ହ୍ରୀଷିତା ଜଣେ କୃତୀ ଛାତ୍ରୀ ଭାବେ ଭୁବନେଶ୍ୱର ମଦର୍ସ ପବ୍ଲିକ ସ୍କୁଲ ରୁ ଦଶମ,ସାଇ ଇଣ୍ଟରନ୍ୟାସନାଲ ସ୍କୁଲରୁ ଦ୍ୱାଦଶ ଓ ଦିଲ୍ଲୀ ବିଶ୍ୱବିଦ୍ୟାଳୟରୁ ବି.କମ (ସମ୍ମାନ) ଡିଗ୍ରୀ ଲାଭ କରିଛନ୍ତି ।

ତାଙ୍କର ଏହି ସଫଳତା ପାଇଁ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଶିଷ୍ଟ ଶିକ୍ଷାବିତ ଡ଼ଃ ଅଚ୍ୟୁତ ସାମନ୍ତ, ଦିଲ୍ଲୀ ବିଶ୍ୱବିଦ୍ୟାଳୟର ଡିନ ପ୍ରଫେସର ବଳରାମ ପାଣି, ଉତ୍କଳ ବିଶ୍ୱବିଦ୍ୟାଳୟର ପ୍ରାକ୍ତନ କୁଳପତି ପ୍ରଫେସର ଅଶୋକ ଦାସ, ଫକୀର ମୋହନ ବିଶ୍ୱବିଦ୍ୟାଳୟର କୁଳପତି ପ୍ରଫେସର ସନ୍ତୋଷ ତ୍ରିପାଠୀ ଓ ଜାତୀୟ ସ୍ମାରକ ପ୍ରାଧିକରଣର ଅଧ୍ୟକ୍ଷ ପ୍ରଫେସର କିଶୋର କୁମାର ବାସା ପ୍ରମୁଖ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି ।

ହ୍ରୀଷିତା ବାଙ୍କୀ, ଢଁସର ର ଶ୍ରୀମତୀ ପ୍ରଫୁଲ୍ଲ କୁମାରୀ ରଥ ଓ ଆଦର୍ଶ ଶିକ୍ଷକ ସ୍ୱର୍ଗତଃ ପ୍ରସନ୍ନ କୁମାର ରଥ, ଖୋର୍ଦ୍ଧା ବାସିନ୍ଦା ଶ୍ରୀମତୀ ବିନୋଦିନୀ ରଥ ଓ ଅସ୍ତରଙ୍ଗ ଉଚ୍ଚ ବିଦ୍ୟାଳୟର ଆଦର୍ଶ ଶିକ୍ଷକ ସ୍ୱର୍ଗତଃ ବାନାମ୍ବର ରଥଙ୍କ ନାତୁଣୀ ଏବଂ କେନ୍ଦ୍ର ଯୋଗାଯୋଗ ମନ୍ତ୍ରାଳୟ, ଦିଲ୍ଲୀରେ କାର୍ଯ୍ୟରତ ଭୁବନେଶ୍ୱର, ବାସୁଦେବ ନଗର ବାସିନ୍ଦା ଗଦାଧର ରଥ ଓ ବନାନୀ ରଥଙ୍କ ସୁପୁତ୍ରୀ ଅଟନ୍ତି ।