ଭୁବନେଶ୍ୱର: ୨୬ ଟି ବିରୋଧୀ ଦଳକୁ ନେଇ ଗଠିତ ମହାମେଣ୍ଟର ନାଁ ଦିଆଯାଇଛି INDIA(Indian National Democratic Inclusive Alliance) । ଆଗାମୀ ୨୪ ସାଧାରଣ ନିର୍ବାଚନରେ ବିଜେପି ନେତୃତ୍ୱାଧୀନ NDA ସହିତ ମିଳିତ ବିରୋଧୀ ମେଣ୍ଟ INDIAର ଲଢ଼େଇ ହେବ । ବେଙ୍ଗାଲୁରୁରେ ବିରୋଧୀ ମେଣ୍ଟର ଦୁଇଦିନିଆ ବୈଠକ ଏହି ନିର୍ଯ୍ୟାସ ଆଣିଛି । ସମ୍ମିଳନୀ ଶେଷରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଏକ ସାମ୍ବାଦିକ ସମ୍ମିଳନୀରେ ଏହା ଘୋଷଣା କରିଛନ୍ତି । ନୂଆ ନାଁ INDIA କୁ ନେଇ ବିରୋଧୀ ଦଳର ନେତାମାନଙ୍କ ମଧ୍ୟରେ ପ୍ରବଳ ଉତ୍ସାହ ସୃଷ୍ଟି ହୋଇଛି ।
ଆଗାମୀ ନିର୍ବାଚନରେ ନରେନ୍ଦ୍ର ମୋଦୀ ସରକାରଙ୍କୁ ହଟାଇବା ପାଇଁ ବେଙ୍ଗାଲୁରୁ ବୈଠକରେ ମହାମେଣ୍ଟ ପକ୍ଷରୁ ଏକ ରାଜନୈତିକ ସଂକଳ୍ପ ପାରିତ ହୋଇଛି । ବିଭିନ୍ନ କ୍ଷେତ୍ରରେ ମୋଦୀ ସରକାରଙ୍କ ବିଫଳ ହୋଇଛନ୍ତି । ଦେଶର ସଂଘୀୟ ବ୍ୟବସ୍ଥା ବିପଦରେ ପଡ଼ିଛି । ଦେଶରେ ଆର୍ଥିକ ସଙ୍କଟ ସୃଷ୍ଟି ହୋଇଛି । କେନ୍ଦ୍ରୀୟ ତଦନ୍ତକାରୀ ସଂସ୍ଥାଗୁଡ଼ିକର ଅପବ୍ୟବହାର କରାଯାଇ ରାଜନୈତିକ ଅସ୍ତ୍ର ପାଲଟିଛନ୍ତି । ଦଳିତ, ଆଦିବାସୀ, ଚାଷୀ, ଦିନ ମଜୁରିଆଙ୍କ ଉପରେ ଆକ୍ରମଣ ବଢ଼ି ଚାଲିଛି । ଏନଡିଏ ସରକାରଙ୍କ ଶୋଷଣରୁ ଦେଶକୁ ଉଦ୍ଧାର କରିବାକୁ ପଡ଼ିବ । ଗଣତନ୍ତ୍ର ଏବଂ ସମ୍ବିଧାନ ବଞ୍ଚାଇବାକୁ ପଡ଼ିବ ବୋଲି ମିଳିତ ଘୋଷଣାନାମାରେ କୁହାଯାଇଛି ।
ଜୁନ୍ ୨୩ ରେ ମିଳିତ ବିରୋଧୀ ମେଣ୍ଟର ପ୍ରଥମ ବୈଠକ ପାଟଣାରେ ଅନୁଷ୍ଠିତ ହୋଇଥିଲା । ଏହାର ତୃତୀୟ ବୈଠକ ଖୁବ୍ ଶୀଘ୍ର ମୁମ୍ବାଇରେ ଅନୁଷ୍ଠିତ ହେବ । ବେଙ୍ଗାଲୁରୁରେ ପାରିତ ପ୍ରସ୍ତାବଗୁଡ଼ିକ ଉପରେ ମୁମ୍ବାଇ ବୈଠକରେ ପୁଙ୍ଖାନୁପୁଙ୍ଖ ଆଲୋଚନା ହୋଇ ଏହାର କାର୍ଯ୍ୟାନ୍ୱୟ ହେବ । ସେହି ବୈଠକରେ INDIA ର ସଭାପତି ଏବଂ ଆବାହକଙ୍କ ନାଁ ଚୂଡ଼ାନ୍ତ ହେବ । ଏଥିସହ ଏକ ୧୧ ଜଣିଆ ସମନ୍ୱୟ କମିଟି ଗଠନ ହେବ ବୋଲି ଶ୍ରୀ ଖଡ଼ଗେ ସୂଚନା ଦେଇଛନ୍ତି । ଦିଲ୍ଲୀରେ ଏହାର କେନ୍ଦ୍ରୀୟ ଅଫିସ ରହିବ ଏବଂ ସେଠାରୁ ସବୁ ପରିଚାଳନା କରାଯିବ ବୋଲି ସେ କହିଛନ୍ତି ।
ଏ ନେଇ ଶ୍ରୀ ଖଡ଼ଗେ ଏକ ଟ୍ୱିଟ୍ କରିଛନ୍ତି ।
I am happy that 26 parties are present in Bengaluru to work unitedly.
Together, we are in government in 11 states today.
The BJP did not get 303 seats by itself. It used the votes of its allies and came to power and then discarded them.
The BJP President and their leaders are running from state-to-state to patch up with their old allies. They are scared that the unity they see here will result in their defeat next year.
Every institution is being turned into a weapon against the opposition.
Our intention in this meeting is not to gain power for ourselves. It is to protect Democracy, Secularism and Social Justice.
Let us resolve to take India to back to the path of progress, welfare and true democracy.
