ସମ ଅଲ୍ଟିମେଟ୍ ଓ ସମ୍ କୋଭିଡକୁ ‘ସିକ୍ସ ସିଗମା ହେଲଥ୍ କେୟାର ଏକ୍ସିଲେନ୍ସ’ ସମ୍ମାନ

ଭୁବନେଶ୍ୱର : ସ୍ୱାସ୍ଥ୍ୟ ସେବା କ୍ଷେତ୍ରରେ ଉତ୍କର୍ଷତା ଓ ପୁରସ୍କୃତ ହେବା ଧାରାରେ ଆଉ ଏକ ପାଦ ଆଗେଇଛି ସମ୍ ଅଲ୍ଟିମେଟ୍ ମେଡିକେୟାର (ସମମ୍) । ଶ୍ରେଷ୍ଠ ହସ୍ପିଟାଲ ଏବଂ ଶ୍ରେଷ୍ଠ ରୋଗୀ ସେବା ପ୍ରଦାନକାରୀ ଭାବେ ସମ୍ ଅଲ୍ଟିମେଟ୍ ମେଡିକେୟାରକୁ ୨୦୨୧ ବର୍ଷ ନିମନ୍ତେ ସମ୍ମାନ ଜନକ ସିକ୍ସ ସିଗମା ପୁରସ୍କାର ପ୍ରଦାନ କରାଯାଇଛି ।

ସେହିପରି “ବେଷ୍ଟ ସିଇଓ ଆଣ୍ଡ ଆଡମିନିଷ୍ଟ୍ରେଟର ଅଫ ଦି ଇଅର’ ଭାବେ ସମମ୍ର ଚିଫ ଏକଜ୍ୟୁଟିଭ୍ ଅଫିସର ଡ. ଶ୍ୱେତପଦ୍ମା ଦାଶ ସମ୍ମାନିତ ହୋଇଥିବା ବେଳେ ଗତ ୨ ବର୍ଷ ମଧ୍ୟରେ କରୋନା ମହାମାରୀ ସମୟରେ ଶହ ଶହ ରୋଗୀଙ୍କୁ ଉନ୍ନତ ମାନର ଓ ଉତମ ଚିକିତ୍ସା ପ୍ରଦାନ କରିବା ନିମନ୍ତେ ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ସମ୍ କୋଭିଡ ହସ୍ପିଟାଲକୁ “ବେଷ୍ଟ କୋଭିଡ ହସ୍ପିଟାଲ ଅଫ ଦି ଇଅର’ ଭାବେ ପୁରସ୍କୃତ କରାଯାଇଛି ।

ନୂଆଦିଲ୍ଲୀ ଠାରେ ଆୟୋଜିତ ସିକ୍ସ ସିଗମା ହେଲ୍ଥ କେୟାର ଏକ୍ସିଲେନ୍ସ ଆୱାର୍ଡ କାର୍ଯ୍ୟକ୍ରମରେ କେନ୍ଦ୍ର ସୂଚନା ଏବଂ ପ୍ରସାରଣ, ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରୀ  ଅନୁରାଗ ସିଂ ଠାକୁରଙ୍କ ଠାରୁ ଏହି ସମ୍ମାନ ଗ୍ରହଣ କରିଛନ୍ତି ଡ. ଦାଶ । ଏହି ଅବସରରେ ଏନଏବିଏଚର ସିଇଓ ଶ୍ରୀ ଅତୁଲ କୋଚର ମଧ୍ୟ ଉପସ୍ଥିତ ଥିଲେ ।

ସୋଆ ପରିଚାଳିତ ସମମ୍ ଏକ ୩୭୫ ଶଯ୍ୟା ଏବଂ ଆଇସିୟୁ ବିଶିଷ୍ଟ ଏକ ମଲ୍ଟିସ୍ପେଶିଆଲିଟି ଟର୍ସିଆରି ଆଣ୍ଡ କ୍ୱାଟର୍ନାରି କେୟାର ହସ୍ପିଟାଲ । ଏଠାରେ ୩୦ଟି ସ୍ପେଶିଆଲିଟି ସହିତ ୧୪ଟି ମୋଡୁଲାର ଅପରେସନ ଥିଏଟର ରହିଛି ।