ପାଣ୍ଡିଆନ୍ ଙ୍କ ଇନଷ୍ଟାଗ୍ରାମ୍ ପୋଷ୍ଟରେ ନବୀନଙ୍କ ସମୟାନୁବର୍ତ୍ତିତା

ଭୁୁବନେଶ୍ୱର: ‘ଘଣ୍ଟାରେ ଠିକ୍ ୧୦ଟା ବାଜିଛି । ମୁଖ୍ୟମନ୍ତ୍ରୀ ଅନୁଗୁଳ ବାହାରିଲେ । ଯେ କୌଣସି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଠିକ୍ ସମୟରେ ପହଞ୍ଚିଥାନ୍ତି । ୨୨ ବର୍ଷ ଧରି ମୁଖ୍ୟମନ୍ତ୍ରୀ ଏଇ ସମୟାନୁବର୍ତ୍ତିତା ରକ୍ଷା କରିଛନ୍ତି । ତାହା ସାଧାରଣ ସଭା ହେଉ କି ଅଫିସିଆଲ୍ କାର୍ଯ୍ୟକ୍ରମ ହେଉ । ଏହା ଆମ ସମସ୍ତଙ୍କ ପାଇଁ ଏକ ବଡ଼ ଶିକ୍ଷା ।’

ମୁଖ୍ୟମନ୍ତ୍ରୀଙ୍କ ସଚିବ(୫-ଟି) ଭି.କେ.ପାଣ୍ଡିଆନ୍ ଆଜି ଇନଷ୍ଟାଗ୍ରାମ୍ ଆକାଉଣ୍ଟରେ ନିଜର ଏହି ଭିଡ଼ିଓ ପୋଷ୍ଟ କରିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ହେଲିକ୍ୟାପଟରରେ ଅନୁଗୁଳ ଯାଉଥିବା ବେଳେ ଏହି ଭିଡିଓଟି କରିଛନ୍ତି । ଏହି ଭିଡିଓ ଜରିଆରେ ଶ୍ରୀ ପାଣ୍ଡିଆନ୍ ମୁଖ୍ୟମନ୍ତ୍ରୀଙ୍କ ସମୟାନୁବର୍ତ୍ତିତା ସମସ୍ତଙ୍କୁ ଜଣାଇବାକୁ ଚାହିଁଛନ୍ତି । ଏହି ଭିଡ଼ିଓଟି ସୋସିଆଲ୍ ମିଡିଆରେ ଭାଇରାଲ୍ ହୋଇଛି ।

ସୂଚନାଥାଉକି, ପୂର୍ବରୁ ଶ୍ରୀ ପାଣ୍ଡିଆନ୍ ଙ୍କର ଆଉ ଏକ ଭିଡିଓ ସୋସିଆଲ୍ ମିଡ଼ିଆରେ ଭାଇରାଲ୍ ହୋଇଥିଲା । ଏଥିରେ ସେ ମୁଖ୍ୟମନ୍ତ୍ରୀଙ୍କ କଠିନ ପରିଶ୍ରମକୁ ଦେଖାଇଥିଲେ । ମୁଖ୍ୟମନ୍ତ୍ରୀ ତାଙ୍କ କାମରେ କେବେ ଥକି ପଡ଼ିନଥାନ୍ତି ବୋଲି ଭିଡିଓରେ ଜଣାଇଥିଲେ ।