ଭୁବନେଶ୍ୱର: ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ଦାବିରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପୁଣି ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ଦର୍ଶାଇଛନ୍ତି, ୧୯୯୦ ପରଠାରୁ ଓଡ଼ିଶା ବାରମ୍ବାର ପ୍ରାକୃତିକ ଦୁିର୍ବପାକର ସମ୍ମୁଖୀନ ହେଉଛି । ଏଥିଯୋଗୁଁ ରାଜ୍ୟର ୮୦ ପ୍ରତିଶତରୁ ଅଧିକ ଅଞ୍ଚଳ ଏବଂ ୯୦ ଭାଗ ଲୋକ ପ୍ରଭାବିତ ହେଉଛନ୍ତି । ଅନେକ ସମୟରେ ଏନଡ଼ିଆରଏଫରୁ ରାଜ୍ୟକୁ ମିଳୁଥିବା ଅତିରିକ୍ତ ସହାୟତା ଆଦୌ ପର୍ଯ୍ୟାପ୍ତ ନୁହେଁ । କ୍ଷତିଭରଣା ପାଇଁ ରାଜ୍ୟ ସରକାର ନିଜ ପାଣ୍ଠିରୁ ଖର୍ଚ୍ଚ କରିବା ବ୍ୟତୀତ ଅନ୍ୟ ବିକଳ୍ପ ନାହିଁ ।
ସବୁପ୍ରକାର ବାଧାବିଘ୍ନ ସତ୍ତ୍ୱେ ସାମାଜିକ ଓ ଅର୍ଥନୈତିକ ସ୍ଥିତିରେ ରାଜ୍ୟ ବିକାଶ ପଥରେ ଆଗେଇ ଚାଲିଛି । ବିଗତ ୬ ବର୍ଷରେ ରାଜ୍ୟର ଜିଡ଼ିପିରେ ୫୦ ପ୍ରତିଶତ ଅଭିବୃଦ୍ଧି ହୋଇଛି । ୨୦୦୪-୦୫ ରୁ ୨୦୧୧-୧୨ ମଧ୍ୟରେ ରାଜ୍ୟର ଗରିବୀ ହାରରେ ୨୪.୬୧ ପ୍ରତିଶତ ହ୍ରାସ୍ ଘଟିଛି । ଅନ୍ୟ ରାଜ୍ୟ ତୁଳନାରେ ଏହି ହାର ଯଥେଷ୍ଟ ଅଧିକ । ରାଜ୍ୟ ସରକାର ଦାରିଦ୍ର୍ୟ ଦୂରୀକରଣ, ଖାଦ୍ୟ ସୁରକ୍ଷା, ଶିକ୍ଷା,ସ୍ୱାସ୍ଥ୍ୟ ଆଦି ବିଭିନ୍ନ କ୍ଷେତ୍ରରେ ବହୁ ଯୋଜନା କରିଛନ୍ତି । ଅନ୍ୟପକ୍ଷରେ, ଓଡ଼ିଶାର ପ୍ରାକୃତିକ ସମ୍ପଦରୁ ଦେଶ ବହୁତ ଲାଭବାନ ହେଉଛି । ମାତ୍ର କେନ୍ଦ୍ର ସରକାରଙ୍କ ଦ୍ୱାରା ଓଡ଼ିଶା ବିଭିନ୍ନ କ୍ଷେତ୍ରରେ ଅବହେଳିତ ହେଉଛି । ରେଲୱେ, ବ୍ୟାଙ୍କିଂ, ଜାତୀୟ ରାଜପଥ, ବିମାନ ଯୋଗାଯୋଗ କ୍ଷେତ୍ରରେ ସଡ଼ିାାକୁ ଅବହେଳା କରାଯାଉଛି । ଓଡ଼ିଶାାକୁ ସ୍ୱତନ୍ତ୍ର ରାଜ୍ୟ ପାହ୍ୟା ଦିଆଗଲେ, ବିକାଶ ପ୍ରକ୍ରିୟା ଆହୁରି ତ୍ୱରାନ୍ୱିତ ହୋଇପାରିବ । ଶିଳ୍ପର ବିକାଶ ହେବା ସହ ନିଯୁକ୍ତି ସୁଯୋଗ ବଢ଼ିବ ବୋଲି ମୁଖ୍ୟମନ୍ତ୍ରୀ ଲେଖିଛନ୍ତି ।
