ଆଉ ୪ ପିଜିଟିଭ୍; ଅମାନିଆ ସ୍ୱାସ୍ଥ୍ୟ ବିଭାଗ ୱେବସାଇଟ୍!

ଭୁୁବନେଶ୍ୱର: ଓଡ଼ିଶାରେ ଆଉ ୪ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏମାନଙ୍କୁ ମିଶାଇ ରାଜ୍ୟରେ କରୋନା ଆକ୍ରାନ୍ତ ସଂଖ୍ୟା ୫୪ ରେ ପହଞ୍ଚିଛି । ଆଜି ରାତିରେ ସ୍ୱାସ୍ଥ୍ୟ ବିଭାଗ ୱେବସାଇଟ୍ ରେ ଏହି ସୂଚନା ଦିଆଯାଇଛି । ତେବେ ସେମାନେ କେଉଁଠାର ତାହାର କୌଣସି ସୂଚନା ନାହିଁ ।

ରାତି ପ୍ରାୟ ୧୦ଟା ୪୦ ବେଳକୁ ସ୍ୱାସ୍ଥ୍ୟ ବିଭାଗ ୱେବସାଇଟ୍ ରେ ଏହି ତଥ୍ୟ ଦିଆଯାଇଥିଲେ ମଧ୍ୟ ତାରିଖ, ତଥ୍ୟର ତାଳମେଳ ନ ଥିବାରୁ କିଛି ସମୟ ପାଇଁ ଦ୍ୱନ୍ଦ ସୃଷ୍ଟି ହୋଇଥିଲା । ଗତକାଲି ଯେଉଁ ଟେଷ୍ଟିଂ ତଥ୍ୟ(ଟେବୁଲ୍) ଦିଆଯାଇଥିଲା ତାହାର କପି ପେଷ୍ଟ୍ କରାଯାଇ କେବଳ ଦ୍ୱିତୀୟ କଲମ୍ ର ସଂଖ୍ୟା ବଦଳାଯାଇଥିଲା । ଯେଉଁଥିପାଇଁ ଗତକାଲିର ତାରିଖ ୧୦ ଏବଂ ପଜିଟିଭ୍ ସଂଖ୍ୟା ୨ ରହିଗଲା । ତେବେ ସମୁଦାୟ ପଜିଟିଭ୍ ସଂଖ୍ୟା ୫୪ କରାଯାଇଥିଲା ।

ଏହି ତ୍ରୁଟି ଗଣମାଧ୍ୟମ ନଜରକୁ ଆସିଲା ପରେ ସ୍ୱାସ୍ଥ୍ୟ ବିଭାଗ ପକ୍ଷରୁ ତୁରନ୍ତ ଏକ ଟ୍ୱିଟ୍ ଆସିଥିଲା । ଆଜି ୪ଟି ପଜିଟିଭ୍ କେସ୍ ଆସିଥିବା କନଫର୍ମ କରାଯାଇ ୱେବସାଇଟ୍ ରେ ଟେକନିକାଲ୍ ଇସ୍ୟୁ ରହିଥିବା ସଫେଇ ଦିଆଗଲା ।