ଭୁବନେଶ୍ୱର: ବିଜେଡ଼ି-ବିଜେପି ମଧ୍ୟରେ ଆଉ ଗୋପନ ପ୍ରେମ ନାହିଁ । ଖୁବ୍ କମ ଦିନ ମଧ୍ୟରେ ପ୍ରେମ ଖୋଲାଖୋଲି ହୋଇ ଉଛୁଳିବା ଅବସ୍ଥାକୁ ଚାଲିଆସିଲାଣି । ଉପର ନେତାମାନେ କେହି କାହାରି ବିରୋଧରେ ପାଟି ନ ଖୋଲି କୁଆଡ଼େ ରାଜ୍ୟର ସ୍ୱାର୍ଥ ପାଇଁ କାନ୍ଦିଲେଣି । ବହୁ ବିଳମ୍ବରେ ହେଲେ ମଧ୍ୟ ଓଡ଼ିଶାବାସୀଙ୍କ ପାଇଁ ଏହି ନିଶ୍ଚିତ ଶୁଭଙ୍କର ବୋଲି କୁହାଯାଉଛି । ସାଧାରଣ ନିର୍ବାଚନ ମଇଦାନରେ ଦୁଇ ଦଳର ଲଢ଼ାଲଢ଼ି କେବଳ ନାଟକବାଜି ଥିଲା ବୋଲି ରାଜ୍ୟବାସୀ ବୁଝିଗଲେଣି ।
ବିଜେଡ଼ି-ବିଜେପି ମଧ୍ୟରେ ଚାଲିଥିବା ପ୍ରେମ ସମ୍ପର୍କର ଦୁଇ ଦୁଇଟି ବିଶେଷ ଘଟଣା ଆଜି ଗୋଟିଏ ଦିନରେ ଦେଖିବାକୁ ମିଳିଛି । ରାଜ୍ୟସଭାରେ ଟ୍ରିପଲ୍ ତଲାକ ବିଲ୍ କୁ ବିଜେପି ଅକୁଣ୍ଠ ଚିତ୍ତରେ ସମର୍ଥନ ଦେଇଛି । ଗତଥର ଏହି ବିଲ୍ କୁ ପାସ୍ କରାଇବାରେ ଫେଲ୍ ମାରିଥିବା ମୋଦି ସରକାର ଏଥର ଲୋକସଭାରେ ଏହାକୁ ଗୃହୀତ କରାଇ ସାରିଥିଲେ । ଆଉ ରାଜ୍ୟସଭାରେ ସଂଖ୍ୟା ସଙ୍କଟରେ ଥିବା ବିଜେପିକୁ ସଂଖ୍ୟାବଳ ଯୋଗାଇଛି ବିଜେଡ଼ି । ବିଜେଡ଼ିର ସମର୍ଥନ ପାଇ ଆଜି ରାଜ୍ୟସଭାରେ ଟ୍ରିପଲ୍ ତଲାକ ବିଲ୍ ପାସ୍ ହୋଇଛି ।
