ଭୁବନେଶ୍ୱର: ଦୃଶ୍ୟଟି ଦେଖିଲେ ଛାତି ଥରିଯାଉଛି । ଲଜ୍ଜାରେ ମୁହଁ ତଳକୁ ହୋଇଯାଉଛି । କ୍ଷମତା, ଗର୍ବ ଓ ଅହଂକାର ଆଗରେ ମଣିଷ କେତେ ଛୋଟ ହୋଇଯାଏ ତାହା ଏହି ଭିଡ଼ିଓ ଫୁଟେଜ୍ ଦେଖେଇ ଦେଉଛି । ଦେଶ ପାଇଁ ଜୀବନ ଦେଇଥିବା ନିଜ ଜନ୍ମମାଟିର ଜଣେ ବୀର ସହିଦଙ୍କ ଅନ୍ତିମ ସଂସ୍କାର ବେଳେ ଶାସକ ଦଳର ପ୍ରଭାବଶାଳୀ ବିଧାୟକଙ୍କ ଆଚରଣ ସମସ୍ତଙ୍କୁ ସ୍ତବଧ କରିଦେଇଛି । ବିଧାୟକଙ୍କ ନିଷ୍ଠୁର ଆଚରଣର ଦୃଶ୍ୟ ତମାମ ଦେଶରେ ଭାଇରାଲ ହୋଇଥିଲା ବେଳେ ଆମ ଦେଶର ବୀର ଯବାନଙ୍କୁ ମରଣର ରାସ୍ତା ଧରାଇଥିବା ପାକିସ୍ଥାନ ହାତରେ ପଡ଼ିଛି । ପାକିସ୍ଥାନୀ ଟିଭିରେ ଏହା ବ୍ରେକିଂ ଖବର ପାଲଟିଛି । ପୁଲୱାମାରେ ଯବାନଙ୍କ ଉପରେ ହମଲାକୁ ନେଇ ଭାରତୀୟ ରାଜନେତା କୁମ୍ଭୀର କାନ୍ଦଣା କାନ୍ଦୁଥିବା ବେଳେ ଓଡ଼ିଶାର ବିଜେଡ଼ି ବିଧାୟକ ସହିଦଙ୍କ ସମ୍ପର୍କୀୟଙ୍କୁ କିଭଳି ଅସମ୍ମାନ କରୁଛନ୍ତି ଭିଡ଼ିଓରେ ତାହା ଦେଖାଇବାକୁ ଚେଷ୍ଟା କରିଛି ପାକିସ୍ଥାନୀ ଟିଭି ।
