୪୯୨ ବର୍ଷର ପ୍ରତୀକ୍ଷା, ଆକାଂକ୍ଷାର ଅବସାନ । କୋଟି କୋଟି ଭାରତୀୟଙ୍କ ମନ, ପ୍ରାଣ ଓ ସ୍ପନ୍ଦନର ସେହି ଗୌରବ ମୁହୁର୍ତ୍ତ ଆଖି ସାମନାରେ । ଅଯୋଧ୍ୟାରେ ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ଶ୍ରୀରାମଙ୍କ ଭବ୍ୟ ମନ୍ଦିରର ଭୂମିପୂଜନ ସହ ନୂଆ ଯୁଗ ଯୋଡି ହୋଇଛି । ଆଜି ବୈଦିକ ରୀତିନୀତି, ମନ୍ତ୍ର ଉଚ୍ଚାରଣ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଭୁ ଶ୍ରୀରାମଙ୍କ ଭବ୍ୟ ମନ୍ଦିରର ଭୂମିପୂଜା ଓ ଶିଳାନ୍ୟାସ କରିଛନ୍ତି ।
ଆରଏସଏସ ମୁଖ୍ୟ ମୋହନ ଭାଗବତ, ଟ୍ରଷ୍ଟ ମୁଖ୍ୟ ମହନ୍ତ ନୃତ୍ୟଗୋପାଳ ଦାସ ମହାରାଜ, ଉତ୍ତରପ୍ରଦେଶ ରାଜ୍ୟପାଳ ଆନନ୍ଦିବେନ୍ ପଟେଲ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସମେତ ଦେଶର ବିଭିନ୍ନ ପ୍ରାନ୍ତରରୁ ଆସିଥିବା ୧୩୫ ଜଣ ଧର୍ମଗୁରୁଙ୍କ ଉପସ୍ଥିତିରେ ଭୂମିପୂଜନ ହୋଇଛି ।
ପ୍ରଧାନମନ୍ତ୍ରୀ ଶ୍ରୀ ମୋଦି ଅଯୋଧ୍ୟାରେ ଦିନ ସାଢ଼େ ୧୧ଟା ବେଳେ ପହଞ୍ଚିଥିଲେ । ଭୂମି ପୂଜନ କାର୍ଯ୍ୟ ପୂର୍ବରୁ ପ୍ରଧାନମନ୍ତ୍ରୀ ହନୁମାନ ଗଢ଼ୀ ଯାଇ ଦର୍ଶନ କରିଥିଲେ । ଏହାପରେ ପ୍ରଧାନମନ୍ତ୍ରୀ ଭଗବାନ ଶ୍ରୀ ରାମଲାଲା ବିରାଜମାନ ଦର୍ଶନ କରିଥିଲେ । ଭୂମି ପୂଜନ ଉତ୍ସବ ସ୍ଥଳରେ ପହଞ୍ଚିବା ସହ ଅଭିଷେକ ମୁହୂର୍ତ୍ତ ଆରମ୍ଭ ହୋଇଥିଲା । ଅଭିଷେକ ପୂଜା ପରେ ପ୍ରଧାନମନ୍ତ୍ରୀ ୪୦ କେଜି ବିଶିଷ୍ଟ ରୂପା ଇଟା ସ୍ଥାପନ ପୂର୍ବକ ରାମମନ୍ଦିରର ଆଧାରଶିଳା ରଖିଥିଲେ । ମନ୍ଦିର ପରିସରରେ ପାରିଜାତ ପୁଷ୍ପର ଚାରା ରୋପଣ କରିଥିଲେ ପ୍ରଧାନମନ୍ତ୍ରୀ । ଏହାପରେ ୨୧ ଜଣ ପୁରୋହିତଙ୍କ ମନ୍ତ୍ରପାଠ ମଧ୍ୟରେ ସମ୍ପନ୍ନ ହୋଇଥିଲା ଭୂମିପୂଜନ ପର୍ବ ।
ଭବ୍ୟ ମନ୍ଦିରର ରୂପରେଖ
