ଭୁୁବନେଶ୍ୱର: ୫-ଟି ସଚିବ ଭି.କେ.ପାଣ୍ଡିଆନ୍ ଏବଂ ଉନ୍ନୟନ କମିଶନର ସୁରେଶ ଚନ୍ଦ୍ର ମହାପାତ୍ର ଆଜି ପାରାଦ୍ୱୀପରେ ଫସି ରହିଥିବା ଦାଦନ ଶ୍ରମିକଙ୍କ ଷଣ୍ଢକୁଦ କୋଷ୍ଟ୍ ଗାର୍ଡ କଲୋନୀ କ୍ୟାମ୍ପ୍ ଅଚାନକ ପରିଦର୍ଶନ କରିଥିଲେ । ଲକ୍ ଡାଉନ୍ ପାଇଁ ଏହି କ୍ୟାମ୍ପ୍ ରେ ପଶ୍ଚିମବଙ୍ଗ, ବିହାର ଏବଂ ଓଡ଼ିଶାର ବାଲେଶ୍ୱରରୁ ୮୬ ଦାଦନ ଶ୍ରମିକଙ୍କୁ ରାଜ୍ୟ ସରକାର ଆଶ୍ରୟ ଦେଇଛନ୍ତି । ଶ୍ରୀ ପାଣ୍ଡିଆନ୍ ଏବଂ ଶ୍ରୀ ମହାପାତ୍ର ସେମାନଙ୍କ ରହିବା, ଖାଇବା ବ୍ୟବସ୍ଥାର ଅନୁଧ୍ୟାନ କରିଥିଲେ ।
ନିଜେ ଶ୍ରୀ ପାଣ୍ଡିଆନ୍ ଦାଦନ ଶ୍ରମିକଙ୍କ ଭଲମନ୍ଦ ପଚାରି ବୁଝିବା ସହ ସେମାନେ ଖାଉଥିବା ଖାଦ୍ୟର ମାନ ତଦାରଖ କରିଥିଲେ । ମୋଟାମୋଟି ଭାବେ ଦାଦନ ଶ୍ରମିକ କ୍ୟାମ୍ପ୍ ର ପରିଚାଳନା ଉପରେ ଉଭୟ ସନ୍ତୋଷ ପ୍ରକଟ କରିଥିଲେ ।
ଉଭୟ ଅଧିକାରୀ ଜଗତସିଂହପୁର ଜିଲ୍ଲାପାଳ ଓ ଏସପିଙ୍କ ସହ ଲକ୍ ଡାଉନ୍ ସ୍ଥିତି ସମ୍ପର୍କରେ ଆଲୋଚନା କରି ନିୟମ ଯେଭଳି କଡ଼ାକଡ଼ି ପାଳନ ହୁଏ ସେଥିପ୍ରତି ସତର୍କ କରାଇଥିଲେ । ଅଟକି ରହିଥିବା ଅନ୍ୟ ରାଜ୍ୟର ଶ୍ରମିକମାନଙ୍କର ଯେଭଳି କୌଣସି ଅସୁବିଧା ନ ହୁଏ ସେଥିପ୍ରତି ଦୃଷ୍ଟି ରଖିବାକୁ ନିର୍ଦ୍ଦେଶ ଦେଇଥିଲେ । ସେହିଭଳି ନରେଗାର ଦ୍ରୁତ କାର୍ଯ୍ୟାନ୍ୱୟ, ଲକ୍ ଡାଉନ୍ କୃଷି କ୍ଷେତ୍ରକୁ ବାଦ୍ ଦେଇ କୃଷିକାର୍ଯ୍ୟ ସୁରୁଖୁରୁ କରାଇବା ଏବଂ ତୃଣମୂଳସ୍ତରରୁ କୌଣସି ଅସହାୟ ଗରିବ ଏହି ପରିସ୍ଥିତିରେ ଯେଭଳି ଭୋକିଲା ନ ରୁହେ ସେଥିପ୍ରତି ଜିଲ୍ଲାପାଳ ଓ ଏସପିଙ୍କୁ ସମ୍ପୂର୍ଣ୍ଣ ସଜାଗ କରିଥିଲେ ପାଣ୍ଡିଆନ୍ ।
ତାଳଚେର, ଢ଼େଙ୍କାନାଳ, ପାରାଦ୍ୱୀପ କୋଭିଡ୍ ହସ୍ପିଟାଲ୍ ପରିଦର୍ଶନ
