ଭୁବନେଶ୍ୱର: *ଲକ୍ ଡାଉନ୍ ରୁ ମୁକ୍ତି ପାଇ ଟ୍ରେନ୍ ରେ ଦିଲ୍ଲୀରୁ ପ୍ରଥମ ଥର ଫେରିଥିବା ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଷ୍ଟେସନ୍ ରେ ସମର୍ଥକଙ୍କଠାରୁ ଗେଣ୍ଡୁମାଳ ପିନ୍ଧି ଗମାତ କଲେ । ବାନ୍ଧବୀଙ୍କ ସହ ସେଲଫି ଉଠାଇଲେ । ତାଙ୍କ ଘର ପର୍ଯ୍ୟନ୍ତ ଗହଳି ଲାଗିଲା ।
*ଦିନକ ପରେ ନିଜ ଘରେ ଜଣେ ଅନୁଗତଙ୍କର ବାର୍ଥ ଡ଼େ ପାର୍ଟି କଲେ । କେକ୍ ଖୁଆଇ ଦେଲେ ।
*୪/୫ ଦିନ ପରେ ପଳାସପଲ୍ଲୀରେ ତାଙ୍କର ଏକ ନୂଆ ଅଫିସ ଉଦଘାଟନ ପୂର୍ବକ ସମର୍ଥକମାନଙ୍କର ମେଳି କଲେ ।
*ନିକଟରେ ପୁଣି ଦିଲ୍ଲୀ ଯାଇ ଗଲା ବୁଧବାର ଫେରିଥିଲେ । ବିନା ମାସ୍କରେ, ସମର୍ଥକଙ୍କ ମେଳିରେ ଏୟାରପୋର୍ଟରୁ ବାହାରି ଘରକୁ ଗଲେ ।
*ସେହିଦିନ ନବନିଯୁକ୍ତ ଭୁବନେଶ୍ୱର ଜିଲ୍ଲା ସଭାପତି ବାବୁ ସିଂଙ୍କ ସମେତ ତିନି ଡର୍ଜନରୁ ଅଧିକ ସମର୍ଥକଙ୍କୁ ସାଙ୍ଗରେ ଧରି ଗଲେ ଝାରପଡ଼ା, ଜଗନ୍ନାଥ ପ୍ରଧାନଙ୍କ ଘରକୁ । ୧୨ ଘଣ୍ଟାର ଇସ୍ତଫା ନାଟକ କରିଥିବା ଅଭିମାନୀ ଜଗାଙ୍କୁ ଶାନ୍ୱନା ଦେଇଥିଲେ । ସେଠି ୩୦ ରୁ ଅଧିକ ସମର୍ଥକଙ୍କ ମେଳିରେ ଫଟୋ ଉଠାଇଲେ । ବାବୁ, ଜଗାଙ୍କ ସହ ମ୍ୟାଡାମ୍ ଙ୍କ ଚାରିପଟେ ଫ୍ରେମ୍ ରେ ରହିଥିଲେ ୩୪ ସମର୍ଥକ । ସାମାଜିକ ଦୂରତା ନୁହଁ, ସାମାଜିକ ବନ୍ଧନ ରହିଥିଲା । ଦୁଇ ତିନି ଭକ୍ତଙ୍କୁ ଛାଡ଼ିଦେଲେ କାହା ମୁହଁରେ ମାସ୍କ ବି ନ ଥିଲା ।
