ଭୁବନେଶ୍ୱର: ବିଧାନସଭା ସ୍ୱାଧିକାର କମିଟିରୁ ବିଜେପି ବିଧାୟକ ଦଳ ନେତା କନକ ବର୍ଦ୍ଧନ ସିଂହଦେଓ ଆଜି ଇସ୍ତଫା ଦେଇଛନ୍ତି । ଓଟିଭି ପରିଚାଳନା ନିର୍ଦ୍ଦେଶିକା ଜାଗିମଙ୍ଗତ ପଣ୍ଡାଙ୍କୁ କମିଟି ଜେରା କରିଥିବାରୁ ତାହାର ପ୍ରତିବାଦରେ ଇସ୍ତଫା ଦେଇଛନ୍ତି । ଗତ ୨୧ ତାରିଖରେ ସ୍ୱାଧିକାର କମିଟି ଜାଗିଙ୍କୁ ସମନ୍ ପଠେଇଥିଲା । ୨୮ ରେ କମିଟି ପାଖରେ ତାଙ୍କୁ ହାଜର ହେବାକୁ କୁହାଯାଇଥିଲା । ମାତ୍ର କମିଟିର ସଦସ୍ୟ ଥିବା କେଭି ଏହାର ପ୍ରତିବାଦ କରି ନ ଥିଲେ । ୨୮ ତାରିଖରେ କମିଟି ଆଗରେ ଜାଗି ହାଜର ହୋଇ ଫେରିଲା ପରେ ଗଣମାଧ୍ୟମ ଆଗରେ ନିଜର କ୍ଷୋଭ ଜଣାଇଥିଲେ । ମାତ୍ର କେଭିଙ୍କୁ ତାହା କଷ୍ଟ ଦେଲା ନାହିଁ । ସେଦିନ ବି ପ୍ରତିବାଦ କଲେନି । ୧୦ ଦିନ ପରେ ଯାଇ କେଭିଙ୍କ ମନରେ କଷ୍ଟ ଆସିଛି । ମର୍ମାହତ ହୋଇ ଇସ୍ତଫା ଦେଇଛନ୍ତି ।
