ଶାସ୍ତ୍ରୀନଗର ବାସିନ୍ଦା ଓ ଓଡ଼ିଶା ମୋ ପରିବାର ଆନୁକୂଲ୍ୟରେ ରକ୍ତଦାନ ଶିବିର

ଭୁବନେଶ୍ୱର: ଶାସ୍ତ୍ରୀନଗର କଲଚରାଲ୍ ଆସୋସିଏସନ୍ ଠାରେ ଆଜି ଏକ ରକ୍ତଦାନ ଶିବିର ଆୟୋଜିତ ହୋଇଥିଲା । ଶାସ୍ତ୍ରୀନଗର ବାସିନ୍ଦା ଓ ଓଡ଼ିଶା ମୋ ପରିବାର ମିଳିତ ଭାବେ ଏହାର ଆୟୋଜନ କରିଥିଲେ । ଶିବିରଟି ମୁଖ୍ୟତଃ ଶାସ୍ତ୍ରୀନଗର ଅଞ୍ଚଳରେ କରୋନାରେ ମୃତ୍ୟୁବରଣ କରିଥିବା ବ୍ୟକ୍ତି ତଥା ଅନ୍ୟାନ୍ୟ ରୋଗରେ ପଡ଼ି ମୃତ୍ୟୁବରଣ କରିବା ପୂର୍ବରୁ ଚକ୍ଷୁଦାନ କରିଥିବା ଦୁଇ ମହାନ୍ ମହିଳା ଭାଗ୍ୟଲକ୍ଷ୍ମୀ ଓ ଶୁଭଲକ୍ଷ୍ମୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିବା ନିମନ୍ତେ ଆୟୋଜିତ ହୋଇଥିଲା । ପୂର୍ବତନ କର୍ପୋରେଟର ନରେନ ସାହୁ ଙ୍କ ନେତୃତ୍ୱରେ ୩୦ୟୁନିଟ ରକ୍ତ ସଂଗ୍ରହ କରାଯାଇଥିଲା।

ଶିବିରରେ ବିଭିନ୍ନ ଆଞ୍ଚଳିକ ସଂଘ ଯଥା ଶାସ୍ତ୍ରୀ ନଗର ବ୍ୟବସାୟୀ ସଂଘ, ଶାସ୍ତ୍ରୀ ନଗର ଉନ୍ନୟନ ପରିଷଦ, ଶାସ୍ତ୍ରୀ ନଗର ମହିଳା ସମିତି ଓ ଶାସ୍ତ୍ରୀ ନଗର ବରିଷ୍ଠ ନାଗରିକ ସଂଘ ଆଦିର ସଭ୍ୟ ମାନେ ଯୋଗ ଦେଇ ରକ୍ତ ଦାନ କରିଥିଲେ।

ଏହି କାର୍ଯ୍ୟକ୍ରମରେ ଓଡ଼ିଶା ମୋ ପରିବାର ଯୁଗ୍ମ ସମ୍ପାଦକ ସମୀର ପ୍ରଧାନ, ଉମାନାଥ ମିଶ୍ର, ଗିରିଜା ନନ୍ଦ ମହାନ୍ତି, ଅଭିରାମ ଜେନା, ରଜନୀ ରାଣୀ ରାଜହଂସ ଓ ପିସି ପାଠୀ ଓ ହରେନ୍ ସାହୁ ଆଦି ଉପସ୍ଥିତ ଥିବା ବେଳେ, ଓଡ଼ିଶା ମୋ ପରିବାରର ଯୁଗ୍ମ ସମ୍ପାଦକ ରୁଦ୍ରନାରାୟଣ ସାମନ୍ତରାୟ ଶିବିରର ସଞ୍ଚାଳନ କରିଥିଲେ।