ଯାଜପୁରରେ ରକ୍ତଦାନ ଭ୍ୟାନ୍ ଓ ସିଲେଇ ମେସିନ୍ ବଣ୍ଟନ କାର୍ଯ୍ୟକ୍ରମ

ଯାଜପୁର: ଜୟ ଓଡିଶା, ଇଣ୍ଡସ୍ଇଣ୍ଡ ବ୍ୟାଙ୍କ ଏବଂ କୋଭିଡ ଆକ୍ସନ କୋଲାବ ର ମିଳିତ ଉଦ୍ୟମରେ ଆଜି ଯାଜପୁର ଠାରେ ଏକ କାର୍ଯ୍ୟକ୍ରମର ଆୟୋଜନ କରାଯାଇଥିଲା | କାର୍ଯ୍ୟକ୍ରମର ଶୁଭାରମ୍ଭ ଦିନ, ରକ୍ତ ଦାନ ଏବଂ ଟିକାକରଣ ପାଇଁ ସମସ୍ତ ଆନୁଷଙ୍ଗିକ ସହିତ ଏକ ମଲ୍ଟି-ୟୁଟିଲିଟି ଭ୍ୟାନ୍ ଯାଜପୁର ରେ ପ୍ରଦାନ କରାଯାଇଥିଲା, ଯାହା ଦ୍ଵାରା ଭିନ୍ନ ଭିନ୍ନ ସ୍ଥାନରୁ ରକ୍ତଦାନ ପ୍ରକ୍ରିୟା ସହଜ ହୋଇପାରିବ। ଏଥିସହ ଯାଜପୁରର ମହିଳା ମାନଙ୍କୁ ଆର୍ଥିକ ଭାବେ ସ୍ଵାଧୀନ ଓ ସଶକ୍ତ କରିବା ପାଇଁ ୧୪୦୦ ଟି ସିଲେଇ ମେସିନ୍ ବଣ୍ଟନ କରାଯାଇଥିଲା |

ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଯୋଗ ଦେଇଥିଲେ। ଅନ୍ୟାନ୍ୟ ଆମନ୍ତ୍ରିତ ଅତିଥିଙ୍କ ମଧ୍ୟରେ କୋଭିଡ ଆକ୍ସନ କୋଲାବ ପ୍ରତିନିଧି ଡକ୍ଟର ଭୁମିକା ନନ୍ଦ, ଇଣ୍ଡସ୍ଇଣ୍ଡ ବ୍ୟାଙ୍କର ପ୍ରତିନିଧି ଅଭିନବ ସିଦ୍ଧାନ୍ତ ପ୍ରମୁଖ ଯୋଗ ଦେଇଥିଲେ।

ମୁଖ୍ୟମନ୍ତ୍ରୀଙ୍କ ପ୍ରେରଣା ଓ ଶ୍ରୀ ପ୍ରଣବ ପ୍ରକାଶ ଦାସ ଙ୍କ ମାର୍ଗଦର୍ଶନ ସାହାଯ୍ୟରେ ଆଗାମୀ ଦିନରେ ମଧ୍ୟ ଏହିଭଳି ଉନ୍ନତିମୂଳକ କର୍ଯ୍ୟମାନ ଜାରି ରହିବ ବୋଲି ବିଜେଡି ଯୁଗ୍ମ ସମ୍ପାଦକ ରୁଦ୍ର ନାରାୟଣ ସାମନ୍ତରାୟ କହିଥିଲେ ।

କୋଭିଡ ଆକ୍ସନ କୋଲାବ ର ପ୍ରତିନିଧି ମିସ ଭୂମିକା ନନ୍ଦ କହିଥିଲେ ଯେ କୋଭିଡ, ଲୋକଙ୍କର ଜୀବନ ଓ ଜୀବିକା ଉଭୟ ଉପରେ ପ୍ରଭାବ ପକାଇଛି। ତେଣୁ ଏବେ ସେମାନଙ୍କୁ କେବଳ ରିଲିଫ ସାହାଯ୍ୟରେ ନୁହେଁ ବରଂ ଭବିଷ୍ୟତକୁ ଦୃଷ୍ଟି ରେ ରଖି ସହଯୋଗର ହାତ ବଢ଼ାଇବା ଉଚିତ। 

ଇଣ୍ଡସଇଣ୍ଡ ବ୍ୟାଙ୍କର ପ୍ରତିନିଧି ଅଭିନବ ସିଦ୍ଧାନ୍ତ, ଜୟ ଓଡ଼ିଶା ଓ କୋଭିଡ ଆକ୍ସନ କୋଲାବ କୁ ଧନ୍ୟବାଦ୍ ଦେବା ସହ ଆଗକୁ ମିଳିତ ଭାବେ କାର୍ଯ୍ୟ କରିବେ ବୋଲି କହିଥିଲେ।