ଭୁବନେଶ୍ୱର : ଚଳିତବର୍ଷର ସିବିଏସଇ ଦଶମ ଶ୍ରେଣୀ ପରୀକ୍ଷାରେ କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକର ଖଣ୍ଡସାହି ସ୍ଥିତ ଡକ୍ଟର ଦେବ୍ ମହାନ୍ତି ପବ୍ଲିକ ସ୍କୁଲର ଛାତ୍ରଛାତ୍ରୀ ମାନେ ବେଶ ସଫଳତା ପାଇଛନ୍ତି । ସ୍କୁଲର ଶତ ପ୍ରତିଶତ ଛାତ୍ରଛାତ୍ରୀ ପାସ କରିଛନ୍ତି । ଯାହା ଜିଲ୍ଲାର ଗ୍ରାମାଞ୍ଚଳରେ ଥିବା ଅନ୍ୟ ସିବିଏସ୍ଇ ସ୍କୁଲ ମାନଙ୍କ ତୁଳନାରେ ରେକର୍ଡ । ପାସ୍ କରିଥିବା ୨୭ ଛାତ୍ରଛାତ୍ରୀଙ୍କ ମଧ୍ୟରୁ ୩୦% ଛାତ୍ରଛାତ୍ରୀ ୯୦% ରୁ ଅଧିକ ନମ୍ବର ରଖିଥିବା ବେଳେ ପାଖାପାଖି ୫୦%ରୁ ଅଧିକ ଛାତ୍ରଛାତ୍ରୀ ୮୦% ରୁ ଅଧିକ ନମ୍ବର ରଖିଛନ୍ତି ।
ଗ୍ରାମାଞ୍ଚଳର ଏହି ଛାତ୍ରଛାତ୍ରୀ ମାନେ ସିବିଏସଇ ପରୀକ୍ଷାରେ ଏଭଳି ରେଜଲ୍ଟ କରିବା ପଛରେ ଅନୁଷ୍ଠାନର ପ୍ରତିଷ୍ଠାତା ତଥା ଚେୟାରମ୍ୟାନ ଡକ୍ଟର ଦେବ ମହାନ୍ତିଙ୍କ ମାର୍ଗ ଦର୍ଶନ ଓ ଗାଁ ପରିବେଶରେ ଜାତୀୟ ସ୍ତରର ସ୍କୁଲର ଭିତ୍ତିଭୂମି ଓ ଗୁରୁକୂଳ ଭଳି ପରିବେଶ ତଥା ସ୍ତୁଲର ଶିକ୍ଷକ ଶିକ୍ଷୟତ୍ରୀଙ୍କ ପରିଶ୍ରମ ରହିଛି ବୋଲି ଅବିଭାବକ ମାନେ ପ୍ରକାଶ କରିଛନ୍ତି । କୋଭିଡ କଟକଣା ଭିତରେ ପାଠ ପଢା ସମସ୍ୟା ଥିଲା । ହେଲେ ସ୍କୁଲ ପକ୍ଷରୁ ଅଫଲାଇନ ପରୀକ୍ଷା ଲାଗି ଛାତ୍ର ଛାତ୍ରୀଙ୍କୁ ପୁରା ପ୍ରସ୍ତୁତ କରାଯାଇଥିଲା । ଅଫଲାଇନ ପରୀକ୍ଷା ହୋଇଥିଲେ ଆମ ପିଲାମାନେ ଆହୁରି ଭଲ ରେଜଲ୍ଟ କରିଥାନ୍ତେ ବୋଲି ଅବିଭାବକମାନେ କହିଛନ୍ତି ।
ସ୍କୁଲର ପ୍ରତିଷ୍ଠାତା ତଥା ଚେୟାରମ୍ୟାନ ଡକ୍ଟର ଦେବ୍ ମହାନ୍ତି କହିଛନ୍ତି, କରୋନା କଟକଣା ରହିଥିଲା । ଏସବୁ ଭିତ୍ତରେ ବି ଅନଲାଇନରେ ଛାତ୍ରଛାତ୍ରୀ ମାନେ କିପରି ପାଠ ପଢିପାରିବେ ତାର ଉତ୍ତମ ବ୍ୟବସ୍ଥା ହୋଇଥିଲା । ଛାତ୍ରଛାତ୍ରୀମାନଙ୍କ ସହ ଶିକ୍ଷକ ଶିକ୍ଷୟତ୍ରୀ ମାନେ ସବୁବେଳେ ଯୋଗାଯୋଗରେ ରହୁଥିଲେ । ସେମାନଙ୍କର ଡାଉଟ କ୍ଲିଅର ଉପରେ ସବୁବେଳେ ଗୁରୁତ୍ୱ ଦିଆଯାଉଥିଲା । ପରୀକ୍ଷା ହୋଇଥିଲେ ଅନେକ ଛାତ୍ର ଛାତ୍ରୀ ଆହୁରି ଭଲ କରିଥାନ୍ତେ । ଆମ ପିଲାମାନଙ୍କ ଭିତରେ ଆତ୍ମ ବିିଶ୍ୱାସ ଥିଲା ଓ ସେମାନେ ଅଫଲାଇନ ପରୀକ୍ଷା ଲାଗି ପୁରା ପ୍ରସ୍ତୁତ ଥିଲେ ବୋଲି ଡକ୍ଟର ମହାନ୍ତି କହିଛନ୍ତି। ଶତପ୍ରତିଶତ ରେଜଲ୍ଟ ଲାଗି ସମସ୍ତ ଛାତ୍ର ଛାତ୍ରୀ, ଅଭିବାବକ, ଶିକ୍ଷକ ଶିକ୍ଷୟତ୍ରୀ ଓ ପରିଚାଳନା ପରିଷଦକୁ ସେ ଧନ୍ୟବାଦ ଦେଇଛନ୍ତି ।
ସୂଚନାଥାଉକି, ଉକ୍ତ ସ୍କୁଲର ଜାତୀୟ ସ୍ତରୀୟ ଭିତ୍ତିଭୂମି ସହ ଶୈକ୍ଷିକ ପରିବେଶକୁ ଦେଖି ଏକାଦଶ ଓ ଦ୍ୱାଦଶ ଶ୍ରେଣୀ ଖୋଲିବାକୁ ସିବିଏସଇ କର୍ତ୍ତୃପକ୍ଷ ଅନୁମତି ପ୍ରଦାନ କରିଛନ୍ତି। ଚଳିତ ବର୍ଷ ସ୍କୁଲରେ ଏକାଦଶ ଓ ଦ୍ୱାଦଶ ଶ୍ରେଣୀଲାଗି ନାମଲେଖା ହେବ ବୋଲି କର୍ତ୍ତୃପକ୍ଷ ସୂଚନା ଦେଇଛନ୍ତି ।
