ନୂଆଦିଲ୍ଲୀ: ଚୋପର୍ କ୍ରାସ୍ ରୁ ବଞ୍ଚି ନାହାନ୍ତି ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ବିପିନ୍ ରାୱତ୍ । ପତ୍ନୀ ମଧୁଲିକା ଏବଂ ଅନ୍ୟ ସହଯୋଗୀଙ୍କ ସହ ଜଳି ଯାଇଛନ୍ତି । ହେଲିକପ୍ଟରରେ ରାୱତ୍ ଦମ୍ପତ୍ତିଙ୍କ ସମେତ ୭ ଅଫିସିଆଲ୍ ଏବଂ ୫ ଜଣ ବିମାନ କର୍ମଚାରୀ ଥିଲେ । ଦୁର୍ଘଟଣାରେ ଜଣେ ପାଇଲଟ୍ ଙ୍କ ଛଡ଼ା ସମସ୍ତେ ପ୍ରାଣ ହରାଇଥିବା ସୂଚନା ମିଳିଛି । ଏହି ଦୁଃଖଦ ଖବର ଦେଶବାସୀଙ୍କୁ ସ୍ତବ୍ଧ କରିଦେଇଛି ।

ସିଡିଏସ୍ ରାୱତ୍ ଙ୍କୁ ନେଇଯାଉଥିବା ଏୟାରଫୋର୍ସର ମିଗ୍ ୧୭ ଭି୫ ହେଲିକପ୍ଟରଟି ତାମିଲନାଡୁର ନୀଳଗିରି ଜିଲ୍ଲା କୁନୁରୁଠାରୁ ୭ କିମି ଦୂର ଜଙ୍ଗଲ ଉପରେ ଉଡୁଥିବା ବେଳେ କ୍ରାସ୍ ହୋଇଥିଲା । ଏଥିରେ ହେଲିକପ୍ଟରଟି ସମ୍ପୂର୍ଣ୍ଣ ଜଳିଯାଇ ଖଣ୍ଡ ଖଣ୍ଡ ଅବସ୍ଥାରେ ଜଙ୍ଗଲ ମଝିରେ ପଡ଼ିଥିଲା । ପାଖ ଗାଁ ଲୋକେ ପ୍ରଥମେ ଏହା ଦେଖିଲା ପରେ ପୁଲିସକୁ ଖବର ଦେଇଥିଲେ । ନୀଳଗିରି ଜିଲ୍ଲା ପ୍ରଶାସନ ଏବଂ ପୁଲିସ ସେଠାରେ ତୁରନ୍ତ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ।







