ଭୁବନେଶ୍ୱର: ଆକାଶପଥରେ ଯୋଡ଼ି ହୋଇଛି ମାଲକାନଗିରି । ଏକଦା ଅପହଞ୍ଚ କୁହାଯାଉଥିବା ଏହି ଦୁର୍ଗମ ମାଓ ଇଲାକାରୁ ଏବେ ରାଜଧାନୀ ଭୁବନେଶ୍ୱରକୁ ବିମାନ ଯା ଆସ କରିବ । ଆଜି ମାଲକାନଗିରିରେ ଏକ ବିମାନ ବନ୍ଦରକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିଛନ୍ତି । ଏହାଦ୍ୱାରା ମାଲକାନଗିରି ଜିଲ୍ଲା ଓ ଆଖପାଖ ଅଞ୍ଚଳରେ ଯୋଗାଯୋଗ, ପର୍ଯ୍ୟଟନ ଓ ବାଣିଜ୍ୟ କ୍ଷେତ୍ରରେ ବ୍ୟାପକ ଅଭିବୃଦ୍ଧି ଘଟିବ ବୋଲି ମୁଖ୍ୟମନ୍ତ୍ରୀ ଆଶା ପ୍ରକଟ କରିଛନ୍ତି ।
ମାଲକାନଗିରି ବିମାନବନ୍ଦର ୨୩୩ ଏକର ଅଞ୍ଚଳରେ ପରିବ୍ୟାପ୍ତ । ଏଥିରେ ୧୬୨୦ ମିଟର ଦୀର୍ଘ ଏବଂ ୩୦ ମିଟର ପ୍ରସ୍ଥ ବିଶିଷ୍ଟ ଏକ ରନୱେ ନିର୍ମାଣ କରାଯାଇଛି । ଏଥିପାଇଁ ୭୦ କୋଟି ଖର୍ଚ୍ଚ ହୋଇଛି । ଉଦଘାଟନର ଅବ୍ୟବହିତ ପୂର୍ବରୁ ରବିବାର ଦିନ ଏହି ରନୱେରେ ଏକ ଟ୍ରାଏଲ୍ ରନ୍ ସଫଳତାର ସହ ହୋଇଥିଲା । ଭୁବନେଶ୍ୱରରୁ ଏକ ବିମାନ ଯାଇ ସେଠାରେ ଅବତରଣ କରିଥିଲା ।
