ଭୁୁବନେଶ୍ୱର: ଅନ୍ତର୍ଜାତୀୟ ଖ୍ୟାତିସମ୍ପନ୍ନ ହେପାଟୋପାଥୋଲୋଜିଷ୍ଟ ଡାକ୍ତର ଅସୀମ ଦାସ ଓ ବିଶିଷ୍ଟ ହେପାଟୋଲୋଜିଷ୍ଟ ଡାକ୍ତର ଅଶୋକ କୁମାର ଚୌଧୁରୀ କିମସ୍ ରେ ଭିଜିଟିଂ ପ୍ରଫେସର ଭାବେ ଯୋଗ ଦେଇଛନ୍ତି ।
ଡାକ୍ତର ଦାସ ୧୯୮୭ ରେ କଲିକତା ବିଶ୍ୱବିଦ୍ୟାଳୟରୁ ଶିକ୍ଷାଲାଭ କଲା ପରେ ଚଣ୍ଡିଗଡ଼ସ୍ଥିତ ପିଜିଆଇଏମଆରରୁ ପାଥୋଲୋଜିରେ ଏମଡି କରିଛନ୍ତି । ପାଥେଲୋଜିରେ ସେ ଡିପ୍ଲୋମାଟ୍ ଅଫ୍ ନ୍ୟାସନାଲ୍ ବୋର୍ଡ(ଡିଏନବି) କରିବା ସହ ଲଣ୍ଡନର ରୟାଲ କଲେଜ ଅଫ ପାଥୋଲୋଜିରେ ବୋର୍ଡ ସଦସ୍ୟ ଓ ଫେଲୋ ରହି ଆସିଛନ୍ତି । ସେ ୧୯୯୦ ରୁ ୨୦୨୧ ପର୍ଯ୍ୟନ୍ତ ଚଣ୍ଡିଗଡ଼ସ୍ଥିତ ପିଜିଆଇଏମଇଆରରେ ହିଷ୍ଟୋପାଥୋଲୋଜିରେ ଅଧ୍ୟାପନା କରିଥିଲେ । ଜେଆଇପିଏମଇଆରରେ ଭିଜିଟିଂ ପ୍ରଫେସର ଭାବେ ମଧ୍ୟ କାର୍ଯ୍ୟ କରିଛନ୍ତି ।
ସେହିପରି ଡାକ୍ତର ଚୌଧୁରୀ କଟକ ଏସସିବି ମେଡିକାଲ କଲେଜରୁ ଏମବିବିଏସ ଓ ମେଡିସିନ୍ ରେ ସ୍ନତକୋତ୍ତର ଡିଗ୍ରୀ ହାସଲ କରିବା ପରେ ନୂଆଦିଲ୍ଲୀସ୍ଥିତ ଇନଷ୍ଟିଚ୍ୟୁଟ୍ ଅଫ୍ ଲିଭର ଆଣ୍ଡ ବାଇଲିଆରି ସାଇନସେସ୍(ଆଇଏଲବିଏସ)ରୁ ହେପାଟୋଲିଜିରେ ଡିଏମ କରିଛନ୍ତି । ଆଇଏଲବିଏସରେ ଜଣେ ଟ୍ରାନସପ୍ଲାଣ୍ଟ ହେପାଲୋଜିଷ୍ଟ ଭାବେ ଦୀର୍ଘ ୧୨ ବର୍ଷ ଧରି ସେ କାର୍ଯ୍ୟ କରିଛନ୍ତି । ସେ ମଧ୍ୟ ଆମେରିକାସ୍ଥିତ ହମ୍ ଲି ଲିଭର ଟ୍ରାନସପ୍ଲାଣ୍ଟ କେନ୍ଦ୍ରରେ ଭିଜିଟିଂ ପ୍ରଫେସର ଏବଂ ଲଣ୍ଡନସ୍ଥିତ କିଙ୍ଗସ କଲେଜ ହସ୍ପିଟାଲ୍ ରେ ଲିଭର ଇଣ୍ଟେନସିଭ୍ ଥେରାପି ୟୁନିଟ୍ ରେ ଫେଲୋ ଅବଜରଭର ଭାବେ କାର୍ଯ୍ୟ କରିଛନ୍ତି ।
