ଭୁବନେଶ୍ୱର: ଦେଖିଲେ ଆଖି ଖୋସି ହୋଇଯାଉଥିବା ଏହି ସୁରମ୍ୟ କୋଠାଟି ହେଉଛି ବଲାଙ୍ଗୀର ଲୋୟଲ୍ ସୁକତେଲ ପ୍ରକଳ୍ପର ମୁଖ୍ୟ ନିର୍ମାଣ ଇଞ୍ଜିନିୟର ସୁନୀଲ କୁମାର ରାଉତଙ୍କର । ବାହାର ଯେତିକି ସୁରମ୍ୟ, ଭିତର ତାଠୁଁ ଅଧିକ ସୁରମ୍ୟ । ଇଣ୍ଟେରିୟର୍, ଘରର ସାଜ୍ଜସଜ୍ଜା ଏବଂ ଆସବାବପତ୍ର କୌଣସି ଫାଇଭ୍ ଷ୍ଟାର ହୋଟେଲଠାରୁ କମ୍ ନୁହେଁ । ଭୁବନେଶ୍ୱର ନିଳାଦ୍ରୀବିହାରରେ ଥିବା ଏହି ତିନିମହଲାର ପ୍ରାସାଦ ହେଉଛି ସୁନୀଲ ରାଉତଙ୍କ ଆବାସିକ ଘର । ଖାଲି ଏତିକି ନୁହେଁ । ଭୁବନେଶ୍ୱର ଓ ପୁରୀରେ ଚାରି ଚାରିଟା ବିଲଡିଂ ଓ ଫ୍ଲାଟ୍ ସାଙ୍ଗକୁ ଭୁବନେଶ୍ୱର, ପୁରୀ, କଟକ ଓ ଢ଼େଙ୍କାନାଳରେ ତାଙ୍କର ରହିଛି ୩୪ ଟି ପ୍ଲଟ୍ ଏବଂ ଫାର୍ମ ହାଉସ୍ । ବିପୁଳ ସମ୍ପତ୍ତି କମେଇଥିବା ଏହି ବାବୁ ଭିଜିଲାନସ୍ ହାବୁଡ଼ରେ ପଡ଼ିଛନ୍ତି । ଭିଜିଲାନସ୍ ସ୍ୱତନ୍ତ୍ର କୋର୍ଟଙ୍କ ସର୍ଚ୍ଚ ୱାରେଣ୍ଟ ବଳରେ ଆଜି ସକାଳୁ ଭିଜିଲାନସ୍ ଟିମ୍ ୯ଟି ଜାଗାରେ ଚଢ଼ଉ କରିଛନ୍ତି ।
