ଭୁବନେଶ୍ୱର: ବିଧାୟକଙ୍କ ଅହେତୁକ ଦରମା ବୃଦ୍ଧିକୁ ନେଇ ସାରା ରାଜ୍ୟରେ ଜନଅସନ୍ତୋଷ ସୃଷ୍ଟି ହେବା ଦେଖି ସରକାର ଛାନିଆଁ । ଆଜି ଏକ ଜରୁରୀ ବୈଠକରେ ଜନସାଧାରଣଙ୍କ ପ୍ରତିକ୍ରିୟାକୁ ସମ୍ମାନ ଜଣାଇଛନ୍ତି ବିଜେପି ବିଧାୟକ ଦଳ । ମୁଖ୍ୟମନ୍ତ୍ରୀ ମୋହନ ଚରଣ ମାଝି ଏବଂ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ଉପସ୍ଥିତିରେ ଅନୁଷ୍ଠିତ ବିଧାୟକ ଦଳ ବୈଠକରେ ଦରମା ବୃଦ୍ଧି ନିଷ୍ପତ୍ତିର ପୁନଃବିଚାର ପାଇଁ ସରକାରଙ୍କୁ ଅନୁରୋଧ କରାଯାଇଛି । ବୈଠକରେ ଏ ସମ୍ପର୍କରେ ଆଲୋଚନା କରାଯାଇ ମୁଖ୍ୟମନ୍ତ୍ରୀଙ୍କୁ ପୁନଃବିଚାର ପାଇଁ ପ୍ରସ୍ତାବ ଦିଆଯାଇଛି । ବୈଠକ ଶେଷରେ ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗ ଏହି ସୂଚନା ଦେଇଛନ୍ତି । ଲୋକମତକୁ ସମ୍ମାନ ଜଣାଇ ଆମେ ଦରମା ବୃଦ୍ଧିର ପୁନଃବିଚାର ପାଇଁ ଜଣାଇଛୁ ବୋଲି ସେ କହିଛନ୍ତି ।
ଶୀତ ଅଧିବେଶନର ଶେଷ ମୁହୂର୍ତ୍ତରେ ବିଧାୟକଙ୍କ ଦରମା ବୃଦ୍ଧି ସଂକ୍ରାନ୍ତୀୟ ତିନୋଟି ବିଲ୍ ବିଧାନସଭାରେ ସର୍ବସମ୍ମତିକ୍ରମେ ପାରିତ ହୋଇଥିଲା । ଏକମାତ୍ର ବିଧାୟକ ସିପିଏମର ଲକ୍ଷ୍ମଣ ମୁଣ୍ଡା ବିଧାୟକଙ୍କ ଦରମା ବୃଦ୍ଧିକୁ ବିରୋଧ କରିଥିଲେ । ଏହି ନିଷ୍ପତ୍ତିରେ ବିଧାୟକଙ୍କ ଦରମା ଏକାଥରେ ତିନିଗୁଣା ବୃଦ୍ଧି କରାଯାଇଥିଲା । ସେମାନଙ୍କ ଦରମା ୯୫ ହଜାରରୁ ବଢ଼ି ସାଢ଼େ ତିନି ଲକ୍ଷ ହୋଇଥିଲା । ବିଧାୟକଙ୍କ ଦରମା ହାରରେ ଓଡ଼ିଶା ସମଗ୍ର ଦେଶରେ ପ୍ରଥମ ହୋଇଥିଲା ।
ବର୍ଦ୍ଧିତ ହାରରେ ବିଧାୟକମାନଙ୍କ ବେତନ ଓ ଭତ୍ତା ମାସକୁ ୩ ଲକ୍ଷ ୪୫ ହଜାର ହୋଇଛି । ମୁଖ୍ୟମନ୍ତ୍ରୀଙ୍କର ୩ ଲକ୍ଷ ୪୫ ହଜାର, ବାଚସ୍ପତି ଏବଂ ଉପମୁଖ୍ୟମନ୍ତ୍ରୀଙ୍କର ୩ ଲକ୍ଷ ୬୮ ହଜାର, ଉପବାଚସ୍ପତି ଏବଂ ରାଷ୍ଟ୍ରମନ୍ତ୍ରୀଙ୍କର ୩ ଲକ୍ଷ ୫୬ ହଜାର, କ୍ୟାବିନେଟ୍ ମନ୍ତ୍ରୀ, ବିରୋଧୀ ଦଳ ନେତା ଏବଂ ସରକାରୀ ମୁଖ୍ୟ ସଚେତକଙ୍କର ୩ ଲକ୍ଷ ୬୨ ହଜାର ଏବଂ ଉପ ମୁଖ୍ୟସଚେତକଙ୍କର ହୋଇଛି ୩ ଲକ୍ଷ ୫୦ ହଜାର ଟଙ୍କା । ପୂର୍ବତନ ବିଧାୟକମାନଙ୍କର ମାସକୁ ୮୦ ହଜାର ଟଙ୍କା ପେନସନ୍ ହୋଇଛି । ୨୦୨୪ ଜୁନ୍ ମାସରୁ ବିଧାୟକଙ୍କ ବର୍ଦ୍ଧିିତ ଦରମା ଓ ପେନସନ୍ ଲାଗୁ ହେବା ପାଇଁ ନିଷ୍ପତ୍ତି ହୋଇଛି ।
ତେବେ ବିଧାୟକଙ୍କ ତିନିଗୁଣା ଦରମା ବୃଦ୍ଧିକୁ ଜନସାଧାରଣ ଗ୍ରହଣ କରିନାହାନ୍ତି । ଏଥିପାଇଁ ଦଳମତ ନିର୍ବିଶେଷରେ ବିଧାୟକମାନେ ଏବଂ ସରକାର ସମାଲୋଚନାର ଶିକାର ହୋଇଛନ୍ତି । ଜନଅସନ୍ତୋଷକୁ ଅନୁଭବ କରି ବିରୋଧୀ ଦଳ ନେତା ନବୀନ ପଟ୍ଟନାୟକ ବର୍ଦ୍ଧିତ ଦରମା ନେବେ ନାହିଁ ବୋଲି ଘୋଷଣା କରିଥିଲେ । ଏହି ଅର୍ଥକୁ ଗରିବ ଲୋକଙ୍କ କଲ୍ୟାଣରେ ବିନିଯୋଗ କରିବାକୁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଥିଲେ । ଏହି ଧାରାରେ ଆଉ କିଛି ବିଧାୟକଙ୍କୁ ଦେଖିବାକୁ ମିଳିଛି । ତେବେ ବିଧାନସଭାରେ ଦରମା ବୃଦ୍ଧି ପାଇଁ ଦାବି କରି ଆସୁଥିବା ଏବଂ ବିଲ୍ କୁ ହାତ ଟେକି ସମର୍ଥନ ଦେଇଥିବା ବିଧାୟକମାନେ ଜନଅସନ୍ତୋଷ ଆଗରେ ମୁଣ୍ଡ ନୂଆଁଇ ୟୁ ଟର୍ଣ୍ଣ ମାରିବାକୁ ବାଧ୍ୟ ହୋଇଛନ୍ତି ।
ଆଡିସିନାଲ୍ ସିକ୍ୟୁରିଟି ଡିପୋଜିଟ୍ କିଛି ନୂଆ କଥା ନୁହେଁ । ଇଲେକ୍ଟ୍ରିସିଟି ଆକ୍ଟ ୨୦୦୩ ନିୟମରେ କରୁଛୁ । ଏହା ରେଗୁଲେଟେଡ୍ ବିଜିନେସ୍ ବୋଲି ଟିପିସିଓଡିଏଲ୍ ସିଇଓ ଅରବିନ୍ଦ ସିଂ କହିଛନ୍ତି । ଅଧିକ ଟଙ୍କା ଆସିବା ଏକ ଭ୍ରମ । ସେମିତି ହେଉନି । ବ୍ୟକ୍ତିଗତ ସମସ୍ୟା ଅଛି ଆମ ନିକଟକୁ ଆସି ଜଣାଇପାରିବେ ।
