ଏସିପି ତ୍ରିନାଥ ମିଶ୍ରଙ୍କ ସମ୍ପତ୍ତି ତାଲିକା

ଭୁବନେଶ୍ୱର: ପୁଲିସ ସିଗନାଲ୍ ବିଭାଗର ଅତିରିକ୍ତ ଏସପି ତ୍ରିନାଥ ମିଶ୍ରଙ୍କ ସମ୍ପତ୍ତି ଖୋଳତାଡ଼ ତଥାପି ସରିନାହିଁ । ପରିବାର ଓ ସମ୍ପର୍କୀୟଙ୍କ ବ୍ୟବସାୟରେ ତାଙ୍କର ପ୍ରଚୁର ଅର୍ଥ ଲାଗିଥିବା ସନ୍ଦେହ କରାଯାଉଥିବାରୁ ସମ୍ପତ୍ତି ଆକଳନ କାଠିକର ହୋଇଛି । ତେବେ ୨୪ ଘଣ୍ଟାର ଛାନଭିନ୍ ପରେ ଭିଜିଲାନସ୍ ପକ୍ଷରୁ ଏହି କୋଟିପତି ପୁଲିସ ବାବୁଙ୍କର ଏକ ସମ୍ପତ୍ତି ତାଲିକା ଜାରି ହୋଇଛି । ଆଗକୁ ଏହା ବୃଦ୍ଧି ପାଇପାରେ ବୋଲି ମଧ୍ୟ ଅନୁମାନ କରାଯାଇଛି ।

ପୁଲିସ ବାବୁ ତ୍ରିନାଥଙ୍କର ସମ୍ପତ୍ତି :

– ରସୁଲଗଡ଼ ମନୋରମା ଇଷ୍ଟେଟ୍ ରେ ଥ୍ରି ବିଏଚକେର ଏକ ଫ୍ଲାଟ୍ । ଏହାର ମୂଲ୍ୟ ୮୦ ଲକ୍ଷରୁ ଅଧିକ ।

– ନବରଙ୍ଗପୁର ଜିଲ୍ଲା ଡାବୁଗାଁ(ପୈତୃକ)ରେ ଦୁଇ ମହଲା କୋଠା

– ଯାଜପୁର ଜିଲ୍ଲା ବଡ଼ଚଣାରେ ଫାର୍ମ ହାଉସ୍ । ମୂଲ୍ୟ ୮୬.୩୨ ଲକ୍ଷ ।

– ଭୁବନେଶ୍ୱର ଓ ଯାଜପୁରରେ ୪ ଟି ପ୍ଲଟ୍ ।

– ୪୩.୩୨ ଲକ୍ଷ ଟଙ୍କାର ବ୍ୟାଙ୍କ ଡିପୋଜିଟ୍

– ୪୪.୦୪ ଲକ୍ଷ ଟଙ୍କାର ଇନସୁରାନ୍ସ ଡିପୋଜିଟ୍

– ୧୬.୮୫ ଲକ୍ଷ ଟଙ୍କାର ସୁନା ଅଳଙ୍କାର

– ୫ ଲକ୍ଷ ୨୭ ହଜାର ୭୧୦ ନଗଦ ଟଙ୍କା

ଗାଡ଼ି ତାଲିକା 

– ୧ କୋଟି ୨୦ ଲକ୍ଷ ଟଙ୍କା ମୂଲ୍ୟର ଏକ ବିଏମଡବ୍ଲୁ କାର୍(ଓଡ଼ି୦୫-ଏଭି-୦୦୦୫)

– ୧୭ ଲକ୍ଷ ଟଙ୍କାର ହୁଣ୍ଡାଇ କ୍ରେଟା କାର୍(ଓଡ଼ି୦୫-ଏକ୍ସ-୦୦୦୫)

– ୧୩ ଲକ୍ଷ ଟଙ୍କାର ମାରୁତି ବାଲେନୋ କାର୍(ଓଡ଼ି୦୫-ଆର-୯୦୦୫)

– ୨୦ ଲକ୍ଷ ଟଙ୍କା ମୂଲ୍ୟର ବାଇକ୍ ଟ୍ରିମ୍ପ୍ ରକେଟ୍ ୩ ଆର(ଓଡ଼ଇ୦୫-ଏଜେଡ଼-୦୦୦୫)

– ୫ ଲକ୍ଷ ୩୦ ହଜାର ଟଙ୍କାର ବାଇକ୍ ଜିଟିଆର ୨୫୦ ହ୍ୟୋସଙ୍ଗ(ଓଡ଼ି୦୫-ଏମ-୦୦୦୫)

– ୨ ଲକ୍ଷ ୫୦ ହଜାର ଟଙ୍କାର ବୁଲେଟ ରୟାଲ ଏନଫିଲ୍ଡ କ୍ଲାସିକ୍ ୫୦୦(ଓଡ଼ି୦୫-ଏକ୍ସ-୦୦୦୫)

– ୨ ଲକ୍ଷ ଟଙ୍କାର ୟାମାହା ମୋଟର ସାଇକେଲ୍(ଓଡ଼ି୦୨-ବିଭି-୦୦୦୫)

– ୭୦ ହଜାର ଟଙ୍କାର ସୁଇସ୍ ସ୍କୁଟର(ଓଡ଼ି୦୫-ସି-୦୦୦୫)

– ୬୪,୯୦୫ ଟଙ୍କାର ଇ-ସ୍କୁଟର(ଓଡ଼ି୦୪-ଏଓ-୦୫୦୫)

ଏଥିସହ ତାଙ୍କ ଘରୁ ୫୫ ଲକ୍ଷ ଟଙ୍କାର ଘର ଆସବାବପତ୍ର ଠାବ କରାଯାଇଛି ।

ଏସିପି ତ୍ରିନାଥ ମିଶ୍ର ଅସାଧୁ ଉପାରେ ଅର୍ଜିଥିବା ଟଙ୍କାକୁ ତାଙ୍କ ପରିବାର ବ୍ୟବସାୟରେ ଖଟାଇଥିବା ସନେ୍ଦହ କରାଯାଉଛି । ଚଣ୍ଡିଖୋଲଠାରେ ଶାନ୍ତିଲତା କେୟାର୍(ନର୍ସିଂ ହୋମ୍) ଚାଲୁଥିବା ତିନି ମହଲା କୋଠାର ଦାମ ୧ କୋଟି ୭୬ ଲକ୍ଷ ଟଙ୍କା ଆକଳନ କରାଯାଇଛି । ସେଠାରେ ଶାନ୍ତି ଡ୍ରଗ୍ ହାଉସ୍ ମଧ୍ୟ ଖୋଲାଯାଇଛି । ଏହି ଦୁଇଟିଯାକ ବ୍ୟବସାୟର ଲାଇସେନ୍ସ ତ୍ରିନାଥ ମିଶ୍ରଙ୍କ ପତ୍ନୀଙ୍କ ନାଁରେ ଅଛି ।

ଶାନ୍ତିଲତା ନର୍ସିଂ ହୋମ୍ ରେ ଥିବା ଦାମୀ ମେଡ଼ିକାଲ୍ ସାମଗ୍ରୀ ଏବଂ ଯନ୍ତ୍ରପାତିର ଆଳକନ ସରିନାହିଁ । ତେବେ ଏ ପର୍ଯ୍ୟନ୍ତ ୭୭ ଲକ୍ଷ ଟଙ୍କା ମୂଲ୍ୟର ସାମଗ୍ରୀ ଆକଳନ କରାଯାଇଛି ।

ତ୍ରିନାଥ ମିଶ୍ରଙ୍କ ଅବିବାହିତ ପୁଅ ତରୁଣ ମିଶ୍ର ନାଁରେ କଟକ ମହାନଦୀ ବିହାରରେ ଔଷଧ ବ୍ୟବସାୟ(ଟରୁସ୍ ଫାର୍ମେକ୍ସ) ଚାଲିଛି । ଏଥିରେ ୧୪ ଲକ୍ଷ ୧୦ ହଜାର ଟଙ୍କାରୁ ଉଦ୍ଧ୍ୱର୍ ମୂଲ୍ୟର ଔଷଧ ସାମଗ୍ରୀ ଗଚ୍ଛିତ ଥିବା ପ୍ରାଥମିକ ଅନୁସନ୍ଧାନରୁ ଜଣାପଡ଼ିଛି ।

ଶ୍ରୀ ମିଶ୍ରଙ୍କର ଅମାପ ସମ୍ପତ୍ତିର ଭିଜିଲାନସ୍ ହିସାବ ଜାରି ରହିଛି । ଅସାଧୁ ଉପାୟରେ ଅର୍ଜିଥିବା ଟଙ୍କାରେ ସେ ତାଙ୍କ ପରିବାର ଓ ସମ୍ପର୍କୀୟଙ୍କ ନାଁରେ ବେପାର ଚଳାଇଥିବାର ସନ୍ଦେହ କରାଯାଉଥିବାରୁ ତାଙ୍କର ମୋଟ ସମ୍ପତ୍ତି ପରିମାଣ ଆହୁରି ବୃଦ୍ଧି ପାଇବାର ସମ୍ଭାବନା ଥିବା ଭିଜିଲାନସ୍ ସୂତ୍ରରୁ ଜଣାପଡ଼ିଛି ।

ବନ୍ଧା ହେଲେ ମୁଖ୍ୟଯନ୍ତ୍ରୀ

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ସମ୍ବଲପୁର ବିଦ୍ୟୁତ ବିଭାଗର ମୁଖ୍ୟଯନ୍ତ୍ରୀ ତଥା ମୁଖ୍ୟ ବିଦ୍ୟୁତ ନିରୀକ୍ଷକ ସୁନୀଲ କୁମାର ପଣ୍ଡା ଆଜି ଭିଜିଲାନସ୍ ଦ୍ୱାରା ଗିରଫ ହୋଇଛନ୍ତି । ଦୁଇଦିନ ତଳେ ଭିଜିଲାନସ୍ ତାଙ୍କ ଉପରେ ଚଢ଼ଉ କରି ବିପୁଳ ସମ୍ପତ୍ତି ଠାବ କରିଥିଲା । ୩ କୋଟି ୨୬ ଲକ୍ଷ ୩୭ ହଜାର ୪୪୪ ଟଙ୍କାର ସେ ଆୟ ବର୍ହିଭୂତ ସମ୍ପତ୍ତି ରଖିଥିବା ଜଣାପଡ଼ିଛି ।