ଭୁବନେଶ୍ୱର: ୟୁପିଏସସି ଦ୍ୱାରା ପରିଚାଳିତ ୨୦୨୨ ମସିହାର ସିଭିଲ୍ ସର୍ଭିସ୍ ପରୀକ୍ଷାଫଳ ଆଜି ପ୍ରକାଶ ପାଇଛି । ଏଥିରେ ୯୩୩ ଜଣ କୃତକାର୍ଯ୍ୟ ହୋଇଛନ୍ତି । ସେମାନଙ୍କ ମଧ୍ୟରେ ଅଛନ୍ତି ୬୧୩ ପୁରୁଷ ଏବଂ ୩୨୦ ମହିଳା । ପ୍ରଥମ ୪ ଟି ସ୍ଥାନରେ ଅଛନ୍ତି ମହିଳା । ଦିଲ୍ଲୀ ଶ୍ରୀରାମ କଲେଜ ଅଫ କମର୍ସର ଅର୍ଥନୀତି ଗ୍ରାଜୁଏଟ୍ ଈଶିତା କିଶୋର ପ୍ରଥମ ସ୍ଥାନ ଅଧିକାର କରିଛନ୍ତି ।
ଦ୍ୱିତୀୟ ସ୍ଥାନରେ ଦିଲ୍ଲୀ ବିଶ୍ୱବିଦ୍ୟାଳୟର କମର୍ସ ଗ୍ରାଜୁଏଟ୍ ଗରିମା ଲୋହିଆ, ତୃତୀୟରେ ଆଇଆଇଟି ହାଇଦ୍ରାବାଦରୁ ସିଭିଲ୍ ଇଂଜିନିୟରିଂରେ ବିଟେକ୍ କରିଥିବା ଉମା ହାରଥି ଏନ ଏବଂ ଚତୁର୍ଥ ସ୍ଥାନରେ ଅଛନ୍ତି ଦିଲ୍ଲୀ ବିଶ୍ୱବିଦ୍ୟାଳୟର ସାଇନ୍ସ ଗ୍ରାଜୁଏଟ୍ ସ୍ମୃତି ମିଶ୍ର ।
ଓଡ଼ିଶାରୁ ଉତ୍ତୀର୍ଣ୍ଣ ପରୀକ୍ଷାର୍ଥୀମାନେ ହେଲେ-
ଅନୁପ ଦାସ(୩୮), ପ୍ରଣିତା ଦାସ(୪୨), ଅର୍ଣ୍ଣବ ମିଶ୍ର(୫୬), ଦୀକ୍ଷିତା ଯୋଶୀ(୫୮), କସ୍ତୁରୀ ପଣ୍ଡା(୬୭) ପଲ୍ଲବୀ ମିଶ୍ର(୭୩), ପ୍ରଶାନ୍ତ ରାଜ(୯୭), ସିଦ୍ଧାର୍ଥ ମିଶ୍ର(୧୦୬), ସୌମ୍ୟରଂଜନ ଦାଶ(୧୩୬), ସୋନାଲି ମିଶ୍ର(୧୪୦), ଦୁର୍ଗା ପ୍ରସାଦ ଅଧିକାରୀ(୧୬୨), ଶୁଭାଙ୍ଗୀ ଖୁଣ୍ଟିଆ(୨୪୮), ସତ୍ୟ ପ୍ରକାଶ ମିଶ୍ର(୨୬୧), ଆୟୁଷୀ ପ୍ରଧାନ(୩୩୪), ହିମାଶୁଂ ସାମନ୍ତ(୩୪୮), ଦିବ୍ୟା ଜୈନ୍(୩୬୩), କ୍ରିତିକା ମିଶ୍ର(୪୦୧), ରଶ୍ମୀ ପ୍ରଧାନ(୪୦୫), ତେଜସ୍ୱିନୀ ବେହେରା(୫୧୬), ରାକେଶ କୁମାର ସାହୁ(୫୭୫), ପ୍ରଥମା ପ୍ରତୀକ୍ଷା ପ୍ରଧାନ(୬୭୦), ଶୁଭସ୍ନିଗ୍ଧା ସେଠୀ(୬୮୦), ଶୁଭମ୍ ମିଶ୍ର(୬୮୮), ନିବେଦିତା ଦାସ(୮୪୮), ବୀରେନ୍ଦ୍ର କୁମାର ଦାସ(୮୫୪), ମାନସଜ୍ୟୋତି ଦାସ(୮୮୧) ।
ୟୁପିଏସସି ପରୀକ୍ଷାରେ ଉତ୍ତୀର୍ଣ୍ଣ ଓଡ଼ିଶାର ପରୀକ୍ଷାର୍ଥୀମାନଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅଭିନନ୍ଦନ ଜଣାଇଛନ୍ତି । ବିକାଶମୂଳକ କାର୍ଯ୍ୟକ୍ରମରେ ଉତ୍ସର୍ଗୀକୃତ ଯୋଗଦାନ ଆଶା କରି ମୁଖ୍ୟମନ୍ତ୍ରୀ ସେମାନଙ୍କ ଭବିଷ୍ୟତ ଉଜ୍ଜଳ କାମନା କରିଛନ୍ତି ।
