ଉତ୍କଳ କନିକା ଗ୍ୟାଲେରିଆର ଦ୍ୱିତୀୟ ପ୍ରତିଷ୍ଠା ଦିବସ

ଭୁବନେଶ୍ୱର: ରାଜଧାନୀର ଅତ୍ୟାଧୁନିକ ସପିଂ ମଲ୍ ଉତ୍କଳ କନିକା ଗ୍ୟାଲେରିଆର ଦ୍ୱିତୀୟ ପ୍ରତିଷ୍ଠା ଦିବସ ଆଜି ସେଠାରେ ପାଳିତ ହୋଇଛି । ଏହି ଉପଲକ୍ଷେ ସଂଧ୍ୟାରେ ଏକ ରଙ୍ଗାରଙ୍ଗ କାର୍ଯ୍ୟକ୍ରମ ଆୟୋଜିତ ହୋଇଥିଲା । କେକ୍ କଟା, ମ୍ୟୁଜିକାଲ୍ ବ୍ୟାଣ୍ଡ କାର୍ଯ୍ୟକ୍ରମ ସହିତ ଉତ୍କଳ ସପିଂ ଫେଷ୍ଟିଭାଲ୍ ବିଜେତାଙ୍କୁ ସମ୍ମାନିତ କରାଯାଇଥିଲା ।

ଉତ୍କଳ କନିକା ଗ୍ୟାଲେରିଆ ନିର୍ଦ୍ଦେଶିକା ଶ୍ରୀମତୀ ପୂର୍ଣ୍ଣିମା ବେଦ୍ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଉତ୍କଳ ବିଲଡର୍ସର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ସରଦ ବେଦ୍ ଏବଂ ସୁବାସ ଭୁରା ମୁଖ୍ୟ ଅତିଥି ଭାବେ ଭାବେ ଯୋଗଦେଇଥିଲେ । ବିଶିଷ୍ଟ ଓଡ଼ିଶୀ ନୃତ୍ୟଶିଳ୍ପୀ ତଥା କୋରିଓଗ୍ରାଫର ଶାଶ୍ୱତ ଯୋଶୀ, ଟେଲି ଅଭିନେତ୍ରୀ ଜାଗୃତି ରଥ ଅତିଥି ଭାବେ ଯୋଗଦେଇ ଉତ୍ସବକୁ ସାଫଲ୍ୟ ମଣ୍ଡିତ କରିଥିଲେ ।

ଓଡ଼ିଶାରେ ବିଶ୍ୱସ୍ତରୀୟ ସପିଂ ଏବଂ ମନୋରଞ୍ଜନ ସୁଯୋଗ ପ୍ରଦାନ କରିବାରେ ଉତ୍କଳ କନିକା ଗ୍ୟାଲେରିଆ ସଫଳ ହୋଇଥିବାରୁ ଶ୍ରୀ ବେଦ୍ ଖୁସି ବ୍ୟକ୍ତ କରିବା ସହ ଓଡ଼ିଶାର ଅତ୍ୟାଧୁନିକ ଗ୍ରାହକଙ୍କ ପାଇଁ ନୂଆ ନୂଆ ଅଧିକ ସୁଯୋଗ ଆଣିବା ପାଇଁ ନିରନ୍ତର ପ୍ରୟାସ ଜାରି ରହିବ ବୋଲି କହିଥିଲେ । ଉତ୍କଳ ସପିଂ ଫେଷ୍ଟିଭାଲ୍ ରେ ଅଂଶ ଗ୍ରହଣ କରିଥିବା ଗ୍ରାହକମାନେ ଉତ୍କଳ ଗ୍ୟାଲେରିଆର ପ୍ରୟାସକୁ ଉଚ୍ଚ ପ୍ରଶଂସା କରିବା ସହ ମଲ୍ ଅନୁଭୂତି ବାଣ୍ଟିଥିଲେ ।

ଉତ୍କଳ ଗ୍ୟଲେରିଆ ଜିଏମ୍ ଶ୍ରୀ ଭଟ୍ଟ କାର୍ଯ୍ୟକ୍ରମ ପରିଚାଳନା କରିଥିଲେ ।