ମୁମ୍ବାଇ: ଇରଫାନ୍ ଖାନ୍ ଙ୍କ ଅକାଳ ମୃତ୍ୟୁର ୨୪ ଘଣ୍ଟା ନ ପୂରୁଣୁ ଆଜି ବଲିଉଡ୍ ର ଆଉ ଜଣେ କିମ୍ବଦନ୍ତୀ ଋଷି କପୁରଙ୍କର ଦେହାନ୍ତ ହୋଇଯାଇଛି । ଇରଫାନ୍ ଙ୍କ ଭଳି ଋଷି କପୁର ମଧ୍ୟ ଦୀର୍ଘ ଦୁଇବର୍ଷ ଧରି କ୍ୟାନସର୍ ସହ ଲଢ଼େଇ କରୁଥିଲେ । ତାଙ୍କୁ ୬୭ ବର୍ଷ ହୋଇଥିଲା । ଇରଫାନ୍ ଙ୍କ ପଛେ ପଛେ ବଲିଉଡ୍ ର ଚକୋଲେଟ୍ ହୀରୋ କପୁର ଖାନଦାନ୍ ର ଋଷି ଆରପାରିକୁ ଚାଲିଯିବା ବଲିଉଡ୍ ଜଗତକୁ ସମ୍ପୂର୍ଣ୍ଣ ସ୍ତବ୍ଧ କରିଦେଇଛି ।
୨୦୧୮ ରେ ଋଷି କପୁର କ୍ୟାନସରରେ ଆକ୍ରାନ୍ତ ଜଣାପଡ଼ିବା ପରେ ଚିକିତ୍ସା ପାଇଁ ନିୟୁର୍କ ଚାଲିଯାଇଥିଲେ । ବର୍ଷେ କାଳ ଚିକିତ୍ସିତ ହେବା ପରେ ସୁସ୍ଥ ହୋଇ ଗତ ସେପ୍ଟେମ୍ବର ମାସରେ ଭାରତ ଫେରିଥିଲେ । ତାଙ୍କର ସ୍ୱାଭାବିକ ଜୀବନ ବିତାଉଥିବା ବେଳେ ଗତକାଲି ହଠାତ୍ ନିଶ୍ୱାସ ନେବାରେ କଷ୍ଟ ଅନୁଭବ କରିଥିଲେ । ତାଙ୍କୁ ମୁମ୍ବାଇର ସାର୍ ଏଚଏନ ରିଲାଏନ୍ସ ଫାଉଣ୍ଡେସନ୍ ହସ୍ପିଟାଲ୍ ରେ ଭର୍ତ୍ତି କରାଯାଇଥିଲା । ମାତ୍ର ଆଜି ସକାଳୁ ସେ ଆଖି ବୁଜିଦେଇଥିଲେ । ଅମିତାଭ ବଚନ ଟ୍ୱିଟ୍ କରି ପ୍ରଥମେ ଏହି ଦୁଃଖଦ ଖବର ଜଣାଇଥିଲେ । ଅମିତାଭ ଲେଖିଥିଲେ..
