ଗଞ୍ଜାମରୁ ୪୩, କେନ୍ଦ୍ରାପଡ଼ା ୫, ଭଦ୍ରକ ୩
ଭୁୁବନେଶ୍ୱର: ଆଜି ଦିନରେ ତିନୋଟି ପର୍ଯ୍ୟାୟରେ ରାଜ୍ୟରୁ ୫୧ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଗଞ୍ଜାମରୁ ସର୍ବାଧିକ ୪୩ ଜଣ ଥିବା ବେଳେ କେନ୍ଦ୍ରାପଡ଼ାରୁ ୫ ଏବଂ ଭଦ୍ରକରୁ ଅଛନ୍ତି ୩ ପଜିଟିଭ୍ । ଗଞ୍ଜାମରୁ ଜଣେ ଆକ୍ରାନ୍ତ କେରଳ ଫେରନ୍ତା, ବାକି ସମସ୍ତେ ସୁରତ ଫେରନ୍ତା । ମୁମ୍ବାଇର ଜଣେ ୪୨ ବର୍ଷୀୟ ଟ୍ରକ୍ ଡ୍ରାଇଭର ଭୁବନେଶ୍ୱରରେ ଦୁର୍ଘଟଣାର ଶିକାର ହୋଇ ଏମସ୍ ରେ ଚିକିତ୍ସିତ ହେଉଥିଲେ । ତାଙ୍କର କୋଭିଡ୍ ଟେଷ୍ଟ ପଜିଟିଭ୍ ବାହାରିଥିଲେ ମଧ୍ୟ ତାହା ମହାରାଷ୍ଟ୍ର ତାଲିକାରେ ଯାଇଛି ।
ଆଜି ସକାଳେ ପ୍ରଥମ ଦଫାରେ ଏକାଥରେ ୨୬ ପଜିଟିଭ୍ ତାଲିକା ଆସିଥିଲା । ସେଥିରେ ଗଞ୍ଜାମର ୧୯ ଥିବା ବେଳେ ଭଦ୍ରକର ୨ ଏବଂ କେନ୍ଦ୍ରାପଡ଼ାର ୫ ଥିଲେ । ସମସ୍ତେ ପୁରୁଷ ଏବଂ ସେମାନଙ୍କର ବୟସ ଯଥାକ୍ରମେ ୨୬, ୪୫, ୨୧, ୩୮, ୪୦, ୩୩, ୪୫, ୩୧, ୨୩, ୪୭, ୩୫, ୨୪, ୩୦, ୧୮, ୨୯, ୫୭, ୩୮, ୩୧, ୫୮, ୨୧, ୪୧, ୩୨, ୩୩, ୨୭, ୩୫ ଏବଂ ୩୧ । ଏମାନଙ୍କ ମଧ୍ୟରୁ ଗଂଜାମର ଜଣଙ୍କୁ ଛାଡ଼ିଦେଲେ ବାକି ସମସ୍ତେ ସୁରତ ଫେରନ୍ତା ଏବଂ କ୍ୱାରେଣ୍ଟାଇନ୍ ରେ ଥିଲେ ।
ଦ୍ୱିତୀୟ ଦଫାରେ ସୁରତ ଫେରନ୍ତା ଭଦ୍ରକର ଜଣେ ୩୩ ବର୍ଷୀୟ ଯୁବକଙ୍କର ପଜିଟିଭ୍ ବାହାରିଥିଲା ।
ତୃତୀୟ ପର୍ଯ୍ୟାୟରେ କେବଳ ଗଞ୍ଜାମରୁ ୨୪ ନୂଆ ପଜିଟିଭ୍ ଚିହ୍ନଟ ହୋଇଥିଲେ । ସମସ୍ତେ ସୁରତ ଫେରନ୍ତା ।
ପଞ୍ଚମ ପର୍ଯ୍ୟାୟରେ ମୁମ୍ବାଇ ଟ୍ରକ୍ ଡ୍ରାଇଭର କରୋନା ପଜିଟିଭ୍ ଚିହ୍ନଟ ହୋଇଥିଲେ ।
ଆଜିର ପଜିଟିଭ୍ ଙ୍କୁ ମିଶାଇ ଗଞ୍ଜାମରୁ ସର୍ବାଧିକ ୭୧ କରୋନାରେ ଆକ୍ରାନ୍ତ ହୋଇଛନ୍ତି । ତା ପଛକୁ ଯାଜପୁରରୁ ୫୫ ଜଣ ଆକ୍ରାନ୍ତ ହୋଇଥିବା ବେଳେ ଖୋର୍ଦ୍ଧାରୁ ୫୦ ଆକ୍ରାନ୍ତ ହୋଇଛନ୍ତି । ବାଲେଶ୍ୱରରୁ ୨୭, ଭଦ୍ରକରୁ ୨୪, ସୁନ୍ଦରଗଡ଼ରୁ ୧୨, କେନ୍ଦ୍ରାପଡ଼ାରୁ ୮, ଜଗତସିଂହପୁରରୁ ୫, ମୟୁରଭଞ୍ଜରୁ ୪, ବଲାଙ୍ଗୀରରୁ ୨, ଝାରସୁଗୁଡ଼ାରୁ ୨, କେନ୍ଦୁଝରରୁ ୨, କଟକରୁ ୨, କଳାହାଣ୍ଡିରୁ ୨, କୋରାପୁଟରୁ ୧, ଦେବଗଡ଼ରୁ ୧, ଢ଼େଙ୍କାନାଳରୁ ୧ ଏବଂ ପୁରୀରୁ ୧ ଆକ୍ରାନ୍ତ ହୋଇଛନ୍ତି ।
ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୨୭୦ କୁ ବୃଦ୍ଧି ପାଇଥିଲା ବେଳେ ୨ ମୃତ ଏବଂ ୬୩ ସୁସ୍ଥ ହୋଇଛନ୍ତି । ଆକ୍ଟିଭ୍ ରୋଗୀଙ୍କ ସଂଖ୍ୟା ରହିଛି ୨୦୫ ।
