ଜାଭିୟର୍ ରେ ‘ରେପୁଟେସନ୍ ଟୁଡେ’ ଶୀର୍ଷକ କନକ୍ଲେଭ୍

ଭୁବନେଶ୍ୱର: ଜାଭିୟର୍ ବିଶ୍ୱବିଦ୍ୟାଳୟର ଜାଭିୟର୍ ସ୍କୁଲ୍ ଅଫ୍ କମ୍ୟୁନିକେସନ୍ ଦ୍ୱାରା ଗତ ୧୨ ତାରିଖରେ ଅନୁଷ୍ଠିତ ହୋଇଥିଲା ‘ରେପୁଟେସନ୍ ଟୁଡେ’ ଶୀର୍ଷକ କନକ୍ଲେଭ୍ । ଜନସମ୍ପର୍କ(ପିଆର) ଏବଂ କର୍ପୋରେଟ୍ ଯୋଗାଯୋଗ ଥିଲା ଏହାର ବିଷୟବସ୍ତୁ । ଭୁବନେଶ୍ୱର ଏବଂ କଟକର ୯ଟି କଲେଜର ଛାତ୍ରଛାତ୍ରୀଙ୍କୁ ନେଇ ଏହାର ଆୟୋଜନ କରାଯାଇଥିଲା ।

କାରିନ୍ ଇଣ୍ଡିଆର କମ୍ୟୁନିକେସନ୍ ମୁଖ୍ୟ ଶ୍ରୀମତୀ ମାଧବୀ ଝା ନୈତିକତା ଓ ମୂଲ୍ୟବୋଧ ଉପରେ ଛାତ୍ରଛାତ୍ରୀମାନଙ୍କୁ ଉଦବୋଧନ ଦେଇଥିଲେ । ଯୋଗାଯୋଗ କ୍ଷେତ୍ରରେ ଏହାର ଉପଯୋଗିତା ସମ୍ପର୍କରେ ସେ ବ୍ୟାଖ୍ୟା କରିଥିଲେ । ବିଶେଷକରି କର୍ପୋରେଟ ସଙ୍କଟରୁ ମୁକୁଳିବା ପାଇଁ ଏହାର ଆବଶ୍ୟକତା ଓ ଗୁରୁତ୍ୱ ବୁଝାଇଥିଲେ । ରଦର୍ ଫିନ୍ ଇଣ୍ଡିଆ ପବ୍ଲିକ୍ ରିଲେସନସ୍ ଫାର୍ମ ର ମ୍ୟାନେଜିଂ ଡିରେକ୍ଟର୍ ଅତୁଲ ଶର୍ମା, ପୂରାଭଙ୍କରା ସିଏସଆର ଏବଂ ବିଜିନେସ୍ ଅପରେସନସ୍ ଯୋଗାଯୋଗ ମୁଖ୍ୟ ମିନୋଲ୍ ଆଜେକାର୍, ଏମିନେନସ୍ ଏବଂ ଇଣ୍ଡିପେଣ୍ଡେଣ୍ଟ କମ୍ୟୁନିକେସନ୍ କନସଲଟାନ୍ସି ଫାର୍ମ ର ମାଲିକ ମିତୁ ସମର ପ୍ରମୁଖ ଜନସମ୍ପର୍କ ଓ ଯୋଗାଯୋଗର ଗୁରୁତ୍ୱ ସମ୍ପର୍କରେ ବିସ୍ତୃତ ଆଲୋଚନା କରିଥିଲେ ।

ଅନୁଷ୍ଠାନର ଡିନ୍ ଡକ୍ଟର ଡୋନଲଡ୍ ଡି ସିଲଭା ସ୍ୱାଗତ ଭାଷଣ ଦେଇଥିଲା ବେଳେ କୁଳପତି ଡକ୍ଟର ଆଣ୍ଟୋନି ଆର ଉଭାରି ଅତିଥିମାନଙ୍କୁ ସମ୍ବର୍ଦ୍ଧିତ କରିଥିଲେ । ସେ ତାଙ୍କ ଭାଷଣରେ ଉଚ୍ଚଶିକ୍ଷା ଏବଂ ଗଣମାଧ୍ୟମ ସାହିତ୍ୟ ଉପରେ ଗୁରୁତ୍ୱ ଦେଇଥିଲେ । ଅନ୍ୟମାନଙ୍କ ମଧ୍ୟରେ ରେଜିଷ୍ଟ୍ରାର୍ ଇ.ଏ.ଅଗଷ୍ଟିନ୍, ପ୍ରମିସ୍ ଫାଉଣ୍ଡେସନ୍ ର ପ୍ରତିଷ୍ଠାତା ତଥା ‘ରେପୁଟେସନ୍ ଟୁଡେ’ ଉପଦେଷ୍ଟା ଅମିତ୍ ପ୍ରଭୁ ଯୋଗଦେଇଥିଲେ ।