ଭୁବନେଶ୍ୱର: ରାଜ୍ୟର ୫ଟି ଜିଲ୍ଲା ଖୋର୍ଦ୍ଧା, କଟକ, ଗଞ୍ଜାମ, କେନ୍ଦ୍ରାପଡ଼ା, ଅନୁଗୁଳ ଜିଲ୍ଲା ଏବଂ ୮ଟି ସହର ପୁରୀ, ରାଉରକେଲା, ସମ୍ବଲପୁର, ଝାରସୁଗୁଡ଼ା, ବାଲେଶ୍ୱର, ଯାଜପୁର ରୋଡ୍ ଏବଂ ଯାଜପୁର ଟାଉନ୍ ଏବେ ସମ୍ପୂର୍ଣ୍ଣ ଲକ୍ ଡାଉନ୍ । ୨୯ ତାରିଖ ରାତି ୯ଟା ଯାଏଁ ଲକ୍ ଡାଉନ୍ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ଏହି ସମୟରେ ରାଜ୍ୟ ସରକାରଙ୍କ ବିଭିନ୍ନ ବିଭାଗଗୁଡ଼ିର କାର୍ଯ୍ୟ ଓ କର୍ମଚାରୀଙ୍କ ଉପସ୍ଥିତିକୁ ନଜରରେ ରଖି ସେଗୁଡ଼ିକୁ କ୍ରିଟିକାଲ୍, ଆଶିଂକ କ୍ରିଟିକାଲ୍ ଏବଂ ନନ୍ କ୍ରିଟିକାଲ୍ କାଟାଗୋରିରେ ବିଭକ୍ତ କରାଯାଇଛି । ସାଧାରଣ ପ୍ରଶାସନ ବିଭାଗ ପକ୍ଷରୁ ଏହାର ନିର୍ଦ୍ଦେଶନାମା ପ୍ରକାଶ ପାଇଛି ।
କ୍ରିଟିକାଲ୍ ବିଭାଗ: ଖାଦ୍ୟ, ସାଧାରଣ ଯୋଗାଣ ଓ ଖାଉଟୀ କଲ୍ୟାଣ, ସାଧାରଣ ପ୍ରଶାସନ, ନଗର ଉନ୍ନୟନ, ସ୍ୱାସ୍ଥ୍ୟ ଓ ପରିବାର କଲ୍ୟାଣ, ସ୍ୱତନ୍ତ୍ର ରିଲିଫ୍ କମିଶନର ଏବଂ ଓସଡାମା ।
ଏହି ସବୁ ବିଭାଗର ସମସ୍ତ କର୍ମଚାରୀ ଅଫିସ୍ ଆସିବା ବାଧ୍ୟତାମୂଳକ । ସଂପୃକ୍ତ ବିଭାଗ ଅଧୀନରେ ରହୁଥିବା ନିର୍ଦ୍ଦେଶାଳୟ, ଏଜେନ୍ସୀ, ପିଏସୟୁଗୁଡ଼ିକ ସମ୍ପର୍କରେ ସଚିବ ଯାହା ନିଷ୍ପତ୍ତି ନେବେ ।
ଆଶିଂକ କ୍ରିଟିକାଲ୍: ବାଣିଜ୍ୟ ଏବଂ ପରିବ ହନ, ଇଲେକଟ୍ରୋନିକ୍ସ ଏବଂ ଆଇଟି, ଶକ୍ତି, ଅର୍ଥ, ସୂଚନା ଓ ଲୋକ ସମ୍ପର୍କ, ପଞ୍ଚାୟତିରାଜ ଏବଂ ପାନୀୟ ଜଳ, ରାଜସ୍ୱ, ଏସସି ଏବଂ ଏସଟି ଉନ୍ନୟନ ଏବଂ ପୂର୍ତ୍ତ ।
ବିଭାଗଗୁଡ଼ିକର ଗୁରୁତ୍ୱପୂର୍ଣ୍ଣ ଦାୟିତ୍ୱରେ ଥିବା ଅଧିକାରୀ ଏବଂ ସହଯୋଗୀମାନେ ଅଫିସ ଆସିବେ । କେଉଁମାନେ ଅଫିସ୍ ଆସିବେ ସଚିବ ସ୍ଥିର କରିବେ । ନିର୍ଦ୍ଦେଶାଳୟ, ଏଜେନ୍ସୀ, ପିଏସୟୁଗୁଡ଼ିକ ସମ୍ପର୍କରେ ନିଷ୍ପତ୍ତି ସଚିବ ହିଁ ନେବେ ।
ନନ୍ କ୍ରିଟିକାଲ: କୃଷି, ସମବାୟ, ଅବକାରୀ, ମତ୍ସ୍ୟ ଓ ପଶୁପାଳନ, ଜଙ୍ଗଲ ଓ ପରିବେଶ, ହସ୍ତତନ୍ତ ଓ ବୟନଶିଳ୍ପ, ଉଚ୍ଚଶିକ୍ଷା, ଆଇନ, ଶିଳ୍ପ, ଶ୍ରମ, ଏମଏସଏମଇ, ସଂସ୍କୃତି, ସଂସଦୀୟ ବ୍ୟାପାର, ଯୋଜନା ଓ ସମନ୍ୱୟ, ସାଧାରଣ ଉଦ୍ୟୋଗ, ଗ୍ରାମ୍ୟ ଉନ୍ନୟନ, ସ୍କୁଲ ଏବଂ ଗଣଶିକ୍ଷା, ଏସଏସଇପିଡି, ମହିଳା ଓ ଶିଶୁ ବିକାଶ, ବିଜ୍ଞାନ ଏବଂ କାରିଗରୀ କୌଶଳ, ବୈଷୟିକ ଶିକ୍ଷା, କ୍ରୀଡ଼ା ଏବଂ ଯୁବସେବା, ଇସ୍ପାତ ଓ ଖଣି, ପର୍ଯ୍ୟଟନ ଏବଂ ଜଳସମ୍ପଦ ବିଭାଗ ।
ଏହି ସବୁ ବିଭାଗର କର୍ମଚାରୀ ଅଫିସ ଆସିବେନି । ତେବେ ଦାୟିତ୍ୱରେ ଥିବା କାର୍ଯ୍ୟଗୁଡ଼ିକର ମନିଟର ଏବଂ ସୁପରଭାଇଜ ଫୋନ୍ ଯୋଗେ କରିବାକୁ କୁହାଯାଇଛି ।
