ହାଇଦ୍ରାବାଦ: ନ୍ୟାୟ ପାଇଁ ଆଉ କୋର୍ଟ କଚେରୀ ଦୌଡିବାକୁ ପଡ଼ିଲା ନାହିଁ । ହାଇଦ୍ରାବାଦ ପୁଲିସ ସେଇ ୪ ଜଣ କୁତ୍ତେ କମିନେ କୁ ଗୁଳି କରି ମାରିଦେଇଛି । ଗତ ୨୭ ତାରିଖ ରାତିରେ ଡାକ୍ତର ପ୍ରିୟଙ୍କା ରେଡ୍ଡୀଙ୍କୁ ଏମାନେ ରାସ୍ତାରୁ ଉଠାଇ ନେଇ ରେପ୍ କରିବା ପରେ ପେଟ୍ରୋଲ୍ ଢ଼ାଳି ଜାଳିଦେଇଥିଲେ । ଏହି ଜଘନ୍ୟ କାଣ୍ଡ ସମଗ୍ର ଦେଶବାସୀଙ୍କୁ ସ୍ତବଧ କରିଦେଇଥିଲା । ଦୁଷ୍କର୍ମକାରୀ ନରରାକ୍ଷସଙ୍କୁ କଠୋର ଦଣ୍ଡ ଦେବା ପାଇଁ ପାର୍ଲିଆମେଣ୍ଟଠାରୁ ଗାଁ ରାସ୍ତା ପର୍ଯ୍ୟନ୍ତ ସବୁଆଡୁ ତୀବ୍ର ସ୍ୱର ଉଠିଥିବା ବେଳେ ହାଇଦ୍ରାବାଦ ପୁଲିସ ତାହାକୁ ତୁରନ୍ତ କାମରେ ଦେଖେଇ ଦେଇଛି । ଫଏସଲା ଅନ୍ ଦି ସ୍ପଟ୍ ଜରିଆରେ ଏହି ଭୟଙ୍କର କଳଙ୍କଗୁଡ଼ିକୁ ସଫା କରିଦେଇଛି ।
ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ଗଲା ରାତି ପ୍ରାୟ ୩.୩୦ରେ ଏହି ଘଟଣା ଘଟିଛି । ଗିରଫ ହୋଇଥିବା ୪ ଅଭିଯୁକ୍ତ ମହମ୍ମଦ ଆରିଫ୍(୨୬), ଜେ.ନବୀନ(୨୦), ଜେ.ଶିବା(୨୦) ଏବଂ ସି. ଭୁଲୁ(୨୦)ଙ୍କୁ ସ୍ପଷ୍ଟ ଇନକ୍ୱାରୀ ପାଇଁ ଦୁଷ୍କର୍ମସ୍ଥଳ ହାଇଦ୍ରାବାଦ ସହରଠାରୁ ୫୦ କିଲୋମିଟର ଦୂରରେ ଅବସ୍ଥିତ ୪୪ ନମ୍ବର ଜାତୀୟ ରାଜପଥର ଚେତନାପାଲି ଓଭରବ୍ରିଜ୍ ତଳକୁ ନେଇଥିଲା ପୁଲିସ । ଅଭିଯୁକ୍ତଙ୍କୁ ଧରି ପୁଲିସ ସିନ୍ ରିକ୍ରିଏସନ୍ କରୁଥିବା ବେଳେ ମୁଖ୍ୟ ଅଭିଯୁକ୍ତ ଟ୍ରକ ଡ୍ରାଇଭର ମହମ୍ମଦ ଆରିଫ୍ ତାର ଅନ୍ୟ ୩ ସହଯୋଗୀଙ୍କୁ ଠାରରେ ପୁଲିସ କବଳରୁ ଖସିଯିବାକୁ ଇଙ୍ଗିତ କରିଥିଲା । ୪ ଜଣ ଯାକ ମିଶି ପୁଲିସ କବଳରୁ ଧାଇଁବାକୁ ଉଦ୍ୟମ କରିଥିଲେ । ଏପରିକି ପୁଲିସ ହାତରୁ ବନ୍ଧୁକ ଛଡ଼ାଇ ଗୁଳିମାଡ଼ କରିଥିଲେ । ଏହାର ଜବାବରେ ପୁଲିସ କାଳବିଳମ୍ବ ନ କରି ସେମାନଙ୍କୁ ଏନକାଉଣ୍ଟର କରିଥିଲା । ୪ ଜଣ ଯାକକୁ ଗୁଳି କରି ମାରିଦେଲା ।
