ସ୍ୱର୍ଗତଃ ଦେବେନ୍ଦ୍ର ମିଶ୍ରଙ୍କ ସମ୍ମାନାର୍ଥେ ରକ୍ତଦାନ ଶିବିର ଆୟୋଜିତ

ଭୁବନେଶ୍ୱର: ରାଜ୍ୟର ପ୍ରଥମ ନିର୍ବାଚନ କମିସନର ଦେବେନ୍ଦ୍ର ମିଶ୍ରଙ୍କ ଏକାଦଶାହ ଅବସରରେ ତାଙ୍କୁ ଶ୍ରଦ୍ଧାଞ୍ଜଳି ପୂର୍ବକ ଆଜି ଏକ ରକ୍ତଦାନ ଶିବିରର ଆୟୋଜନ କରାଯାଇଥିଲା । ୱିନର୍ ଆସୋସିଏସନ୍ ର ମୁଖ୍ୟ ଉପଦେଷ୍ଟା ଉମାନାଥ ମିଶ୍ରଙ୍କ ନେତୃତ୍ୱ ତଥା ଓଡ଼ିଶା ମୋ ପରିବାର ମିଳିତ ଆନୁକୂଲ୍ୟରେ ଅନୁଷ୍ଠିତ ଏହି ଶିବିରରୁ ୫୦ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା ।

ଓଡ଼ିଶା ମୋ ପରିବାରର ଆବାହକ ଅରୂପ ପଟ୍ଟନାୟକ ଏଥିରେ ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିଥିଲେ । ପୂର୍ବତନ କର୍ପୋରେଟର ନରେନ୍ ସାହୁ, ଶ୍ରୀମତୀ ଶାଶ୍ୱତୀ ମିଶ୍ର, ସମୀର ପ୍ରଧାନ, ବିଭୂଦତ୍ତ ଦାସ ଓ ୱିନର୍ ଆସୋସିଏସନ୍ ର ସଭାପତି ଲାଲା ରାୟ ଉପସ୍ଥିତ ଥିଲେ ।

ଉକ୍ତ ଶିବିରର ସଞ୍ଚାଳନ ଦାୟିତ୍ୱରେ ଥିଲେ ଓଡ଼ିଶା ମୋ ପରିବାରର ଯୁଗ୍ମ ସମ୍ପାଦକ ରୁଦ୍ର ନାରାୟଣ ସାମନ୍ତରାୟ ।