ଭୁବନେଶ୍ୱର: ନୂଆ ସରକାର ପ୍ରଥମ ଥର ପାଇଁ ସଚିବସ୍ତରରେ ଏକ ବଡ଼ ଧରଣର ଅଦଳବଦଳ କରିଛନ୍ତି । ଦୁଇ ଦୁଇଟି ଗୁରୁତ୍ୱପୂର୍ଣ୍ଣ ବିଭାଗରେ ଦୀର୍ଘ ୧୦ ବର୍ଷରୁ ଅଧିକ ସମୟ ଧରି ଆସ୍ଥାନ ଜମାଇଥିବା ଜି. ମାଥିଭାଥନନଙ୍କୁ ଗୋପବନ୍ଧୁ ଏକାଡେମୀକୁ ପଠାଇ ଦିଆଯାଇଛି । ଅତିରିକ୍ତ ମୁଖ୍ୟ ଶାସନ ସଚିବ ପଦରେ ଥିବା ଶ୍ରୀ ମାଥିଭାଥନନ୍ ଦୀର୍ଘ ୧୨ ବର୍ଷ ହେଲା ସଂସଦୀୟ ବ୍ୟାପାର ବିଭାଗର ଦାୟିତ୍ୱରେ ଥିବା ବେଳେ ୧୦ ବର୍ଷ ହେଲା ନଗର ଉନ୍ନୟନ ବିଭାଗ ଦାୟିତ୍ୱରେ ଥିଲେ । ସେହିଭଳି ଗତ ସରକାରର ଅନ୍ୟତମ କ୍ଷମତାଶାଳୀ ଅଫିସର ଭିନୀଲ୍ କ୍ରିଷ୍ଣାଙ୍କୁ ମୁଖ୍ୟମନ୍ତ୍ରୀଙ୍କ ଦପ୍ତର(ଅତିରିକ୍ତ ସଚିବ) ଏବଂ କ୍ରୀଡ଼ା ସଚିବ ପଦରୁ ହଟାଇ ଦିଆଯାଇଛି । ତାଙ୍କୁ ଜମିଜମା ସମାଧାନ ଏବଂ ବନ୍ଦୋବସ୍ତ କମିସନର ଭାବେ ଅବସ୍ଥାପିତ କରାଯାଇଛି ।
ଅନ୍ୟପକ୍ଷରେ ନୂତନ ଜାଗାରେ ନିଯୁକ୍ତି ପାଇଥିବା କିଛି ସଚିବଙ୍କ ଉପରେ ଅତିରିକ୍ତ ଦାୟିତ୍ୱର ବୋଝ ପଡ଼ିଛି । ରାଜ୍ୟପାଳଙ୍କ ପ୍ରମୁଖ ସଚିବ ଭାବେ କାର୍ଯ୍ୟ କରୁଥିବା ଶାଶ୍ୱତ ମିଶ୍ର ଓଏସଏସଏସସିର ଅଧ୍ୟକ୍ଷ ଭାବେ ଅତିରିକ୍ତ ଦାୟିତ୍ୱ ସମ୍ଭାଳୁଛନ୍ତି । ତାଙ୍କୁ ପୁଣି ଅର୍ଥ ଏବଂ ଶକ୍ତି ଭଳି ଦୁଇ ଦୁଇଟି ଗୁରୁତ୍ୱପୂର୍ଣ୍ଣ ବିଭାଗର ପ୍ରମୁଖ ସଚିବ ଭାବେ ଅତିରିକ୍ତ ଦାୟିତ୍ୱ ମିଳିଛି ।
ସଚିବଙ୍କ ବଦଳି ତାଲିକା
୧.ନିକୁଞ୍ଜ ବିହାରୀ ଧଳ- ମୁଖ୍ୟମନ୍ତ୍ରୀଙ୍କ ଅତିରିକ୍ତ ଶାସନ ସଚିବ+ ଇଡକୋ ଅଧ୍ୟକ୍ଷ(ଅତିରିକ୍ତ ଦାୟିତ୍ୱ)
୨.ସୁରେନ୍ଦ୍ର କୁମାର- ଅତିରିକ୍ତ ମୁଖ୍ୟ ଶାସନ ସଚିବ(ସାଧାରଣ ପ୍ରଶାସନ), ପର୍ଯ୍ୟଟନ(ଅତିରିକ୍ତ)+ସଂସଦୀୟ ବ୍ୟାପାର(ଅତିରକ୍ତ)
୩.ଜି.ମାଥିଭାଥନନ୍- ଡିଜି, ଟ୍ରେନିଂ କୋଅର୍ଡିନେସନ୍, ଗୋପବନ୍ଧୁ ଏକାଡେମୀ
୪.ହେମନ୍ତ ଶର୍ମା- ଶିଳ୍ପ ବିଭାଗର ପ୍ରମୁଖ ସଚିବ, ଇପିକଲ୍ ଅଧ୍ୟକ୍ଷ(ଅତିରିକ୍ତ)+ଏମଏସଏମଇ(ଅତିରିକ୍ତ)
୫.ଶାଶ୍ୱତ ମିଶ୍ର- ରାଜ୍ୟପାଳଙ୍କ ପ୍ରମୁଖ ସଚିବ,ଓଏସଏସଏସସି ଅଧ୍ୟକ୍ଷ(ଅତିରିକ୍ତ)+ ଅର୍ଥ(ଅତିରିକ୍ତ)+ ଶକ୍ତି(ଅତିରିକ୍ତ)
୬.ଶ୍ରୀମତୀ ଉଷା ପାଢ଼ୀ- ଏସଡି ଏବଂ ଟିଇ ବିଭାଗର ପ୍ରମୁଖ ସଚିବ,ବାଣିଜ୍ୟ ଓ ପରିବହନ(ଅତିରିକ୍ତ)+ନଗର ଉନ୍ନୟନ(ଅତିରିକ୍ତ)
୭.ବିଶାଲ କୁମାର ଦେବ- ପ୍ରମୁଖ ସଚିବ, ଇଲେକ୍ଟ୍ରୋନିକ୍ସ ଆଣ୍ଡ ଆଇଟି ଏବଂ ଓଏଫଡିସି ଅଧ୍ୟକ୍ଷ(ଅତିରିକ୍ତ)
୮.ଭାସ୍କର ଜ୍ୟୋତି ଶର୍ମା- କମିସନର ତଥା ସଚିବ, କ୍ରୀଡ଼ା ଓ ଯୁବ କଲ୍ୟାଣ ବିଭାଗ
୯.ଆର.ଭିନୀଲ୍ କ୍ରୀଷ୍ଣା- କମିସନର, ଲ୍ୟାଣ୍ଡ ରେକର୍ଡସ୍ ଆଣ୍ଡ ସେଟଲମେଣ୍ଟ
