ଭୁବନେଶ୍ୱର: ହକି ବିଶ୍ୱକପ୍ ପଦକ ଦୌଡ଼ରୁ ବିଦାୟ ନେଇଛି ଭାରତ । ଆଜି କଳିଙ୍ଗ ଷ୍ଟାଡିୟମ୍ ରେ ଅନୁଷ୍ଠିତ କ୍ରସଓଭର୍ ମ୍ୟାଚ୍ ରେ ପେନାଲଟି ସୁଟ୍ ଆଉଟ୍ ରେ ନ୍ୟୁଜଲାଣ୍ଡଠାରୁ ହାରିଯାଇଛି । କ୍ୱାଟର ଫାଇନାଲ୍ କୁ ନ୍ୟୁଜିଲାଣ୍ଡ ଯାଇଛି ।
ଆଜି ନିର୍ଦ୍ଧାରିତ ସମୟରେ ଭାରତ ଓ ନ୍ୟୁଜିଲାଣ୍ଡ ଉଭୟ ପକ୍ଷରୁ ୩-୩ ଗୋଲ୍ ହୋଇଥିଲା । ଫଇସଲା ପାଇଁ ପେନାଲଟି ସୁଟ୍ ଆଉଟ୍ କୁ ଯାଇଥିଲା ମ୍ୟାଚ୍ । ନ୍ୟୁଜଲାଣ୍ଡଠାରୁ ୪-୫ ସୁଟ୍ ଆଉଟ୍ ରେ ହାରି ପଦବୀ ଦୌଡ଼ରୁ ବାଦ୍ ପଡ଼ିଥିଲା ଭାରତ । ଭାରତର ବିଦାୟ ଦର୍ଶକଙ୍କୁ ନିରାଶ କରିଛି ।
ଆସନ୍ତା ୨୬ ତାରିଖରେ ରାଉରକେଲା ବିର୍ସା ମୁଣ୍ଡା ଷ୍ଟାଡିୟମ୍ ରେ ଜାପାନ ସହିତ ଭାରତ କ୍ଲାସିଫିକେସନ୍ ମ୍ୟାଚ୍ ଖେଳିବ ।
