ଭ୍ରାମ୍ୟମାଣ ଗାଡ଼ିରେ ରକ୍ତଦାନ ଶିବିର

ଭୁବନେଶ୍ୱର: ଓଡ଼ିଶା ମୋ ପରିବାରର ଆନୁକୁଲ୍ୟରେ ଜୟ ଓଡ଼ିଶା ଆଜି ଏକ ରକ୍ତଦାନ ଶିବିର ଆୟୋଜନ କରିଥିଲା । ଏହା ସହିଦ ନଗର ଦୁର୍ଗାପୂଜା ମଣ୍ଡପ ଠାରେ ଅନୁଷ୍ଠିତ ହୋଇଥିବା ବେଳେ ଏହାକୁ ସତ୍ୟନଗର ମଶାଣି ର କର୍ମଚାରୀ ମାନେ ଉଦଘାଟିତ କରିଥିଲେ। ଦୀର୍ଘ ୨ ବର୍ଷ ଧରି ଅହୋରାତ୍ର କାର୍ଯ୍ୟରତ ରହି ରାଜ୍ୟବାସୀଙ୍କୁ ନିରନ୍ତର ସେବା ଯୋଗାଉଥିବା ଏହି କର୍ମଚାରୀ ମାନଙ୍କୁ ସମ୍ମାନିତ ମଧ୍ୟ କରାଯାଇଥିଲା। କୋଭିଡ ର ସମସ୍ତ ନିୟମାବଳୀକୁ ଦୃଷ୍ଟିରେ ରଖି ଶିବିର ଟି ସମ୍ପୂର୍ଣ ଭାବେ ଏକ ଭ୍ରାମ୍ୟମାଣ ଯାନ ମଧ୍ୟରେ ସଂଚାଳିତ ହୋଇଥିଲା ଏବଂ ମୋଟ ୮୪ୟୁନିଟ ରକ୍ତ ସଂଗ୍ରହ ହୋଇଥିଲା

ଏଥିରେ ମୁଖ୍ୟ ଅତିଥି ଭାବେ ଓଡ଼ିଶା ମୋ ପରିବାରର ଆବାହକ ଅରୁପ ପଟ୍ଟନାୟକ ଯୋଗ ଦେଇଥିବା ବେଳେ ଅନ୍ୟତମ ଅତିଥି ଭାବେ ଉମାନାଥ ମିଶ୍ର, ନରେନ୍ ସାହୁ, ପ୍ରକାଶ ତ୍ରିପାଠୀ ଓ ବିଭୁଦତ୍ତ ଦାସ ଯୋଗ ଦେଇଥିଲେ।

ମୁଖ୍ୟମନ୍ତ୍ରୀଙ୍କ ଦ୍ଵାରା ଅନୁପ୍ରାଣିତ ହୋଇ ଓଡ଼ିଶା ମୋ ପରିବାର ର ଆନୁକୁଲ୍ୟରେ ଏହି ଶିବିର ଆୟୋଜିତ ହୋଇଛି। ନିରବଚ୍ଛିନ୍ନ ଭାବେ ରକ୍ତ ଯୋଗାଣ ମଧ୍ୟରେ ସନ୍ତୁଳନ ରକ୍ଷା କରିବା ହିଁ ଏହାର ମୁଖ୍ୟ ଲକ୍ଷ୍ୟ । ଆଗାମୀଦିନରେ ସାମାଜିକ ସଂଗଠନ,ଶିକ୍ଷାନୁଷ୍ଠାନ, କମ୍ୟୁନିଟି ଓ ଆସୋସିଏସନ୍ ଆଦିଙ୍କୁ ମଧ୍ୟ ନିର୍ଦ୍ଧିଷ୍ଟ ସମୟ ବ୍ୟବଧାନରେ ରକ୍ତଦାନ ଶିବିର ବ୍ୟବସ୍ଥା କରିବା ପାଇଁ ଜୟ ଓଡ଼ିଶା ର ସଭାପତି ରୁଦ୍ର ନାରାୟଣ ସାମନ୍ତରାୟ ଅନୁରୋଧ କରିଥିଲେ ।