ଭୁବନେଶ୍ୱର: ଆୟ ବହିର୍ଭୂତ ସମ୍ପତ୍ତି ରଖିବା ଅଭିଯୋଗରେ ନୂଆପଡ଼ା ଜିଲ୍ଲା ଯୋଗାଣ ବିଭାଗର ଅତିରିକ୍ତ ସିଏସଓ ରତ୍ନାକର ସେଠୀଙ୍କୁ ଆଜି ଭିଜିଲାନସ୍ ପୁଲିସ ଗିରଫ କରିଛି । କଟକ ଭିଜିଲାନସ ଏସପି ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି । ସେ ୫୭୦% ଅଧିକ ଆୟ ବହିର୍ଭୂତ ସମ୍ପତ୍ତି ଅର୍ଜିଛନ୍ତି । ସରକାରୀ ଚାକିରିରେ ଥିବା ତାଙ୍କ ପତ୍ନୀଙ୍କ ବିରୋଧରେ ମଧ୍ୟ ମାମଲା ରୁଜୁ ହୋଇଛି । ଗତକାଲି ଶ୍ରୀ ସେଠୀଙ୍କ କଟକ ଓ ନୂଆପଡ଼ା ବାସଭବନ ସମେତ ୬ଟି ସ୍ଥାନରେ ଏକକାଳୀନ ଚଢ଼ଉ ହୋଇଥିଲା । ତାଙ୍କର ୬ କୋଟି ୭୩ ଲକ୍ଷ ଟଙ୍କାର ସମ୍ପତ୍ତି ଠାବ ହୋଇଛି ।
ଏହି ସରକାରୀ ବାବୁଙ୍କର ସମ୍ପତ୍ତି ତାଲିକା ଆଖି ଖୋସି ହେଲା ଭଳି ।
କଟକ ଚାଉଳିଆଗଞ୍ଜରେ ଦୁଇ କୋଟି ୧୨ ଲକ୍ଷ ଟଙ୍କା ମୂଲ୍ୟର ୪ ମହଲା କୋଠା ଏବଂ ୩ ଟି ପ୍ଲଟ୍, କଟକ ମଧୁପାଟଣା ଥାନା ଅନ୍ତର୍ଗତ ବାଲିସାହିରେ ଦୁଇ ମହଲା କୋଠା ଏବଂ ଗୋଟିଏ ପ୍ଲଟ୍, ସେହି ବାଲିସାହିରେ ତିନି ମହଲାର ଏକ କଲ୍ୟାଣ ମଣ୍ଡପ(ନଟରାଜ୍ ପ୍ୟାଲେସ୍), ଗୁରୁଡ଼ିଝାଆସ୍ଥିତ ଓରନ୍ଦାରେ ୩ ଏକର ଜାଗାରେ ଫାର୍ମ ହାଉସ୍ ରହିଛି ।
ଚାଉଳିଆଗଞ୍ଜସ୍ଥିତ ଚାରି ମହଲା କୋଠାକୁ ଏକ ଘରୋଇ ଶିକ୍ଷାନୁଷ୍ଠାନ ଓ ନର୍ସିଂହୋମ୍ କୁ ଭଡ଼ାରେ ଦିଆଯାଇଛି ।
