ହକି ବିଶ୍ୱକପ୍ ପାଇଁ ମୁଖ୍ୟମନ୍ତ୍ରୀମାନଙ୍କୁ ନିମନ୍ତ୍ରଣ

ଭୁବନେଶ୍ୱର: ଓଡ଼ିଶାରେ ଆୟୋଜିତ ହେଉଥିବା ହକି ବିଶ୍ୱକପ୍ ଲାଗି ସବୁ ରାଜ୍ୟର ମୁଖ୍ୟମନ୍ତ୍ରୀମାନଙ୍କୁ ନିମନ୍ତ୍ରଣ କରିବା ଲାଗି ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଏହିକ୍ରମରେ ଖାଦ୍ୟଯୋଗାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକ ଆଜି ସକାଳେ ଚେନ୍ନାଇଠାରେ ତାମିଲନାଡୁ ମୁଖ୍ୟମନ୍ତ୍ରୀ ଏମ.କେ.ଷ୍ଟାଲିନ୍ ଙ୍କୁ ଭେଟି ଓଡ଼ିଶା ମୁଖ୍ୟମନ୍ତ୍ରୀଙ୍କ ତରଫରୁ ଆନୁଷ୍ଠାନିକ ଭାବେ ନିମନ୍ତ୍ରଣ ପତ୍ର ପ୍ରଦାନ କରିଛନ୍ତି । ସେହିଭଳି ଦିଲ୍ଲୀ ଗସ୍ତରେ ଥିବା ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୱାଇ.ଏସ୍. ଜଗନ ମୋହନ ରେଡ୍ଡୀଙ୍କୁ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଭେଟି ନିମନ୍ତ୍ରଣ ପତ୍ର ପ୍ରଦାନ କରିଥିଲେ ।

ଚେନ୍ନାଇଠାରେ ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣପତ୍ର ପ୍ରଦାନ ବେଳେ ତାଙ୍କ ପୁଅ ତଥା ରାଜ୍ୟ କ୍ରୀଡ଼ାମନ୍ତ୍ରୀ ଉଦୟନିଧି ଷ୍ଟାଲିନ୍ ଉପସ୍ଥିତ ଥିଲେ । ମନ୍ତ୍ରୀ ଅତନୁ ନିମନ୍ତ୍ରଣପତ୍ର ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ତରଫରୁ ହକି ଇଣ୍ଡିଆ ଟି-ସାର୍ଟ ଉପହାର ଦେଇଥିଲେ ।

ସେହିଭଳି ଦିଲ୍ଲୀଠାରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ ପତ୍ର ପ୍ରଦାନ ବେଳେ ରାଜ୍ୟସଭାରେ ୱାଇଏସଆରସିପି ଦଳର ନେତା ବିଜୟ ସାଏ ରେଡ୍ଡୀ ଉପସ୍ଥିତ ଥିଲେ । କଥାବାର୍ତ୍ତା ବେଳେ ମୁଖ୍ୟମନ୍ତ୍ରୀ ଶ୍ରୀ ଷ୍ଟାଲିନ୍ ଏବଂ ଶ୍ରୀ ରେଡ୍ଡୀ ଓଡ଼ିଶା ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକଙ୍କ ଉଦ୍ୟମକୁ ବେଶ୍ ପ୍ରଶଂସା କରିଥିଲେ ।

ଗତକାଲି ଉଚ୍ଚଶିକ୍ଷା ମନ୍ତ୍ରୀ ରୋହିତ ପୂଜାରୀ ଭୋପାଳଠାରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କୁ ଭେଟି ବିଶ୍ୱକପ୍ ହକି ନିମନ୍ତ୍ରଣ ପତ୍ର ପ୍ରଦାନ କରିଥିଲେ । ଶ୍ରୀ ଚୌହାନ ଓଡ଼ିଶା ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇବା ସହ ଓଡ଼ିଶାକୁ ବିଶ୍ୱକପ୍ ହକି ଦେଖି ଆସିବାର ସମ୍ଭାବନା ଦେଇଥିଲେ ।

ସୂଚନାଯୋଗ୍ୟ, ହକି ବିଶ୍ୱକପ୍ ଲାଗି ଦେଶର ସମସ୍ତ ମୁଖ୍ୟମନ୍ତ୍ରୀମାନଙ୍କୁ ଓଡ଼ିଶା ନିମନ୍ତ୍ରଣ କରିବାକୁ ନିଷ୍ପତ୍ତି ହୋଇଛି । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସର୍ବଦଳୀୟ ବୈଠକର ନିଷ୍ପତ୍ତି ପରେ ୧୯ ଜଣ ମନ୍ତ୍ରୀ ବିଭିନ୍ନ ରାଜ୍ୟକୁ ଯାଇ ଆନୁଷ୍ଠାନିକ ଭାବେ ନିମନ୍ତ୍ରଣ ପତ୍ର ପ୍ରଦାନ କରିବାକୁ ସ୍ଥିର ହୋଇଥିଲା ।

କେଉଁ ରାଜ୍ୟର ମୁଖ୍ୟମନ୍ତ୍ରୀଙ୍କୁ କେଉଁ ମନ୍ତ୍ରୀ ନିମନ୍ତ୍ରଣ କରିବେ

ୱାଇ.ଏସ୍. ଜଗନମୋହନ ରେଡ୍ଡୀ(ଆନ୍ଧ୍ରପ୍ରଦେଶ)- ଅଶୋକ ଚନ୍ଦ୍ର ପଣ୍ଡା
କେ.ଚନ୍ଦ୍ରଶେଖର ରାଓ(ତେଲେଙ୍ଗାନା)- ଅଶୋକ ଚନ୍ଦ୍ର ପଣ୍ଡା
ପୁଷ୍କର ସିଂ ଧାମି(ଉତ୍ତରାଖଣ୍ଡ)- ଅଶ୍ୱିନୀ କୁମାର ପାତ୍ର
ପୁଡୁଚେରୀ(ଏନ.ରଙ୍ଗାସ୍ୱାମୀ)- ଅତନୁ ସବ୍ୟସାଚୀ ନାୟକ
ଏମ.କେ.ଷ୍ଟାଲିନ୍(ତାମିଲନାଡୁ)- ଅତନୁ ସବ୍ୟସାଚୀ ନାୟକ
ପୀନାରାଇ ବିଜୟନ୍(କେରଳ)- ଅତନୁ ସବ୍ୟସାଚୀ ନାୟକ
ଡକ୍ଟର ମାଣିକ ଶାହା(ତ୍ରିପୁରା)- ବାସନ୍ତୀ ହେମ୍ବ୍ରମ୍
ହେମନ୍ତ ସୋରେନ୍(ଝାଡ଼ଖଣ୍ଡ)- ଜଗନ୍ନାଥ ସାରକା୦
ଭଗୱନ୍ତ ସିଂ ମାନ୍(ପଞ୍ଜାବ)- ନବ କିଶୋର ଦାସ
ଅରବିନ୍ଦ କେଜ୍ରିୱାଲ୍(ଦିଲ୍ଲୀ)- ନିରଞ୍ଜନ ପୂଜାରୀ
ଯୋଗୀ ଆଦିତ୍ୟନାଥ(ଉତ୍ତର ପ୍ରଦେଶ)- ନିରଞ୍ଜନ ପୂଜାରୀ
ହିମନ୍ତ ବିଶ୍ୱ ଶର୍ମା(ଆସାମ)- ପ୍ରଦୀପ କୁମାର ଅମାତ୍
କୋନାଡ କଙ୍ଗକାଲ ସାଙ୍ଗମା(ମେଘାଳୟ)- ପ୍ରଦୀପ କୁମାର ଅମାତ୍
ନୀତୀଶ କୁମାର(ବିହାର)- ପ୍ରଫୁଲ୍ଲ କୁମାର ମଲ୍ଲିକ
ମମତା ବାନାର୍ଜୀ(ପଶ୍ଚିମବଙ୍ଗ)- ଉଷା ଦେବୀ
ଏକନାଥ ସିନେ୍ଧ(ମହାରାଷ୍ଟ୍ର)- ପ୍ରତାପ କେଶରୀ ଦେବ
ପ୍ରମୋଦ ସାୱନ୍ତ(ଗୋଆ)- ପ୍ରତାପ କେଶରୀ ଦେବ
ଶିବରାଜ ସିଂ ଚୌହାନ(ମଧ୍ୟ ପ୍ରଦେଶ)- ରୋହିତ ପୂଜାରୀ
ଅଶୋକ ଗେହଲଟ୍(ରାଜସ୍ଥାନ)- ରାଜେନ୍ଦ୍ର ଢ଼ୋଲକିଆ
ଭୂପେନ୍ଦ୍ର ପଟେଲ(ଗୁଜୁରାଟ)- ରଣେନ୍ଦ୍ର ପ୍ରତାପ ସ୍ୱାଇଁ
ଭୂପେଶ ବାଘେଲ(ଛତିଶଗଡ଼)- ରୀତା ସାହୁ
ନେଇଫିୟୁ ରିଓ(ନାଗାଲାଣ୍ଡ)- ରୋହିତ ପୂଜାରୀ
ପ୍ରେମ ଖଣ୍ଡୁ(ଅରୁଣାଚଳ ପ୍ରଦେଶ)- ରୋହିତ ପୂଜାରୀ
ଏନ.ବିରେନ୍ ସିଂ(ମଣିପୁର)- ସମୀର ରଂଜନ ଦାଶ
ପୁ ଜୋରମାଥାଙ୍ଗା(ମିଜୋରାମ)- ସମୀର ରଂଜନ ଦାଶ
ପିଏସ ଗୋଲେ(ସିକିମ)- ଶ୍ରୀକାନ୍ତ ସାହୁ
ସୁଖବିନ୍ଦର ସିଂ ସୁଖୁ(ହିମାଚଳ ପ୍ରଦେଶ)- ଟୁକୁନି ସାହୁ
ବାସବରାଜ ବୋମାଇ(କର୍ଣ୍ଣାଟକ)- ତୁଷାରକାନ୍ତି ବେହେରା
ମନୋହର ଲାଲ(ହରିଆନା)- ପ୍ରମିଳା ମଲ୍ଲିକ