ନବୀନ ନିବାସରେ ସୋନୁ ସୁଦ୍

ଭୁୁବନେଶ୍ୱର: କରୋନା ବେଳେ ଫସିଥିବା ଶହ ଶହ ପ୍ରବାସୀଙ୍କ ତ୍ରାଣକର୍ତ୍ତା ସାଜିଥିବା ବଲିଉଡ୍ ଅଭିନେତା ସୋନୁ ସୁଦ୍ ଆଜି ସଂଧ୍ୟାରେ ନବୀନ ନିବାସ ଆସିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ତାଙ୍କର ସୌଜନ୍ୟମୂଳକ ସାକ୍ଷାତ ହୋଇଥିଲା । କୋଭିଡ୍ ସମୟରେ ଓଡ଼ିଶାର ଶତାଧିକ ଛାତ୍ରଛାତ୍ରୀଙ୍କୁ ସୋନୁ ଓଡ଼ିଶା ଫେରାଇ ଆଣିବାରେ ସହାୟତା କରିଥିବାରୁ ମୁଖ୍ୟମନ୍ତ୍ରୀ ତାଙ୍କୁ ଧନ୍ୟବାଦ ଜଣାଇଥିଲେ । ମୁଖ୍ୟମନ୍ତ୍ରୀଙ୍କୁ ଭେଟି ସୋନୁ ମଧ୍ୟ ଖୁସି ପ୍ରକଟ କରିଥିଲେ । ଏହି ସାକ୍ଷାତ ବେଳେ ମୁଖ୍ୟମନ୍ତ୍ରୀଙ୍କ ସଚିବ(୫-ଟି) ଭି.କେ.ପାଣ୍ଡିଆନ୍ ଉପସ୍ଥିତ ଥିଲେ ।

ସୂଚନାଯୋଗ୍ୟ, କୋଭିଡ୍ ସମୟରେ ସୋନୁ ସୁଦ୍ ଙ୍କର କାର୍ଯ୍ୟ ସମସ୍ତଙ୍କ ପାଇଁ ସ୍ମରଣୀୟ ହୋଇରହିବ । ଲକଡାଉନ୍ ରେ ଫସିଥିବା ବ୍ୟକ୍ତି ଏବଂ କୋଭିଡ୍ ଚିକିତ୍ସା ପାଇଁ ସହାୟତା ଚାହୁଁଥିବା ବ୍ୟକ୍ତିମାନଙ୍କୁ ସେ ଭରପୁର ସହାୟତା ଯୋଗାଇଥିଲେ । ବାହାର ରାଜ୍ୟରେ ଫସିଥିବା ଓଡ଼ିଶାର ଶତାଧିକ ଛାତ୍ରଛାତ୍ରୀଙ୍କୁ ସେ ଉଦ୍ଧାର କରି ଓଡ଼ିଶା ପଠାଇଥିଲେ । କେନ୍ଦ୍ରାପଡ଼ା ଅଞ୍ଚଳରୁ ୭୦ ଜଣ ଓଡ଼ିଶା ଫେରି ଆସିବାରେ ସୋନୁ ସହାୟତା କରିବା ପରେ ମୁଖ୍ୟମନ୍ତ୍ରୀ ସେତେବେଳେ ତାଙ୍କୁ ଧନ୍ୟବାଦ ଓ ଶୁଭେଚ୍ଛା ଜଣାଇଥିଲେ ।