ଆଦିବାସୀ ଛାତ୍ରଛାତ୍ରୀଙ୍କ ପାଇଁ ସମର୍ କ୍ୟାମ୍ପ

ଭୁବନେଶ୍ୱର: ଚନ୍ଦକା ନିକଟସ୍ଥ ଗୋଡିବାରୀ ଗାଁର ଆଦିବାସୀ ଶିକ୍ଷାକେନ୍ଦ୍ର ‘ବୁଗିନ୍ ହ’ ର ଛାତ୍ରଛାତ୍ରୀଙ୍କ ପାଇଁ ଆୟୋଜିତ summer workshop ରେ ରୁହାନ, ପ୍ରତୀକ୍ଷା, ସୁନୀଲ ଏବଂ ଲେମ୍ବ ଛେନାପୋଡ଼ କାଟି ଉଦଯାପନୀ ଘୋଷଣା କରିଥିଲେ। ଛାତ୍ରଛାତ୍ରୀମାନେ ବହୁତ ଖୁସି ଥିଲେ ଯେହେତୁ ସେମାନେ ଗପ, ଗୀତ, ନାଚ, ଚିତ୍ର ଓ କଳା ମାଧ୍ୟମରେ ଗ୍ରୀଷ୍ମ ଛୁଟିର ମଜା ନେଇପାରିଲେ | ଶେଷ ଦିନ ରେ ସେମାନେ ନୈତିକତା ଆଧାରିତ କ୍ଷୁଦ୍ର ଚଳଚ୍ଚିତ୍ର “ଦୃଷ୍ଟାନ୍ତ” ଦେଖିଥିଲେ |

“ଜୟ ଓଡିଶାର” ପ୍ରତିଷ୍ଠାତା ତଥା ବିଜୁ ଜନତା ଦଳର ଯୁଗ୍ମ ସଚିବ ରୁଦ୍ର ସାମନ୍ତରାୟ ଏହି ଉତ୍ସବରେ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ଅମୀୟ ପଟ୍ଟନାୟକ, ମଳୟ ଜେନା, ଜୟକୃଷ୍ଣ ମହାନ୍ତି, ସ୍ୱାତୀ ମହାନ୍ତି ଏବଂ “ଜୟ ଓଡିଶା” ର ସ୍ୱେଚ୍ଛାସେବୀମାନେ ଉପସ୍ଥିତ ରହି ପିଲାମାନଙ୍କୁ ଉତ୍ସାହିତ କରିଥିଲେ।

ଛାତ୍ରଛାତ୍ରୀ ମାନେ ଆକର୍ଷଣୀୟ ଆଦିବାସୀ ନୃତ୍ୟ ଓ ଗୀତ ପରିବେଷଣ କରି ନିଜର କୃତଜ୍ଞତା ପ୍ରକାଶ କରିଥିଲେ।

‘ବୁଗିନ୍ ହ’ ର ମୁଖ୍ୟ ପରାମର୍ଶଦାତା ସବିତା ପଟ୍ଟନାୟକ ଏହି କାର୍ଯ୍ୟର ପରିଚାଳନା କରିବା ସହ ପିଲା ମାନଙ୍କୁ ଗପ ଶୁଣେଇଥିଲେ।