ଭୁବନେଶ୍ୱର: ଧାମନଗର ଉପନିର୍ବାଚନ ପାଇଁ ବିଜେପି ଆଜି ତାର ପ୍ରାର୍ଥୀ ଘୋଷଣା କରିଛି । ଦିବଙ୍ଗତ ବିଧାୟକ ବିଷ୍ଣୁ ସେଠୀଙ୍କ ପୁଅ ସୂର୍ଯ୍ୟବଂଶୀ ସୂରଜଙ୍କୁ ପ୍ରାର୍ଥୀ କରିଛି ଦଳ । ବିଜେପି ଜିଲ୍ଲା ଯୁବମୋର୍ଚ୍ଚାରେ ସଂଯୋଜକ ଭାବେ କାର୍ଯ୍ୟ କରୁଥିବା ସୂର୍ଯ୍ୟବଂଶୀ ଅଞ୍ଚଳବାସୀଙ୍କ ପାଇଁ ନୂଆ ନୁହଁନ୍ତି । ବିଧାୟକ ବାପାଙ୍କୁ ସେ ବିଭିନ୍ନ କାର୍ଯ୍ୟରେ ସହାୟତା କରୁଥିଲେ । ବାପାଙ୍କ ପାଇଁ ଗତ ନିର୍ବାଚନ ପ୍ରଚାରରେ ସେ ସକ୍ରିୟ ଭୂମିକା ଗ୍ରହଣ କରିଥିଲେ ।
ସ୍ୱର୍ଗତ ସେଠୀଙ୍କ ବିୟୋଗ ପରେ ସୂର୍ଯ୍ୟବଂଶୀ ନିର୍ବାଚନମଣ୍ଡଳୀ ବୁଲି ଲୋକଙ୍କ ଆଶୀର୍ବାଦ ଭିକ୍ଷା କରୁଥିବା ଦେଖିବାକୁ ମିଳିଥିଲା । ଉପନିର୍ବାଚନରେ ବିଜେପିରୁ ସେ ପ୍ରାର୍ଥୀ ହେଉଥିବା ପ୍ରାରମ୍ଭରୁ ଏକ ପ୍ରକାର ସ୍ପଷ୍ଟ ହୋଇସାରିଥିଲା ।
