ବାପୁଜୀନଗରରେ ଅତ୍ୟାଧୁନିକ ବିୟୁଟି ସେଲୁନ୍ ‘ଲାଉଞ୍ଜ ୩୬୦’

ଭୁବନେଶ୍ୱର: ବାପୁଜୀନଗରରେ ଏକ ଅତ୍ୟାଧୁନିକ ବିୟୁଟି ସେଲୁନ୍ ‘ଲାଉଞ୍ଜ ୩୬୦’ ଉଦଘାଟିତ ହୋଇଛି । ଉଭୟ ପୁରୁଷ ଓ ମହିଳାଙ୍କ ପାଇଁ ଏଥିରେ କେଶ ବିନ୍ୟାସ ଏବଂ ସୌନ୍ଦର୍ଯ୍ୟ ସେବା ଉପବଲବ୍ଧ ହେବ । ମୁମ୍ବାଇର ପୂର୍ବତନ ପୁଲିସ କମିସନର ତଥା ଓଡ଼ିଶା ମୋ ପରିବାରର ଆବାହକ ଅରୂପ ପଟ୍ଟନାୟକ ଏହାକୁ ଉଦଘାଟନ କରିଛନ୍ତି । ମେୟର ସୁଲୋଚନା ଦାସ ଏହାକୁ ପରିଦର୍ଶନ କରିଥିଲେ ।

ଏହି ବିୟୁଟି ସେଲୁନ୍ ରେ ପୁରୁଷ ଓ ମହିଳାଙ୍କ ପାଇଁ ପୃଥକ୍ ଭାବେ ଅତ୍ୟାଧୁନିକ ବ୍ୟବସ୍ଥା ଉପଲବ୍ଧ ରହିଛି । ଗ୍ରାହକମାନେ ବିଭିନ୍ନ ଷ୍ଟାଇଲ୍ ର ହେୟାରକଟ୍, ସେଭିଙ୍ଗ୍, ଦାଢ଼ି ଟ୍ରିମିଂ, ପେଡିକିଓର୍, ମାନିକିଓର, ହେୟାର କଲରିଂ, ସାମ୍ପୋ ଆଣ୍ଡ କଣ୍ଡିସନିଂ, ଫାସିଆଲ୍, ବ୍ରାଇଡାଲ୍ ମେକ ଅପ୍, କେରାଟିନ୍, ଷ୍ଟ୍ରେଟେନିଙ୍ଗ, ସ୍ମୁଥନିଙ୍ଗ୍, ରିବଣ୍ଡିଂ ପ୍ରଭୃତିର ସୁବିଧା ନେଇପାରିବେ । ଏଥିସହ ଗ୍ରୀଷ୍ମ ପ୍ରକୋପରୁ ତ୍ୱଚାକୁ ରକ୍ଷା କରିବା ପାଇଁ ଅର୍ଗାନିକ୍ ଫାସିଆଲ୍, ମାନିକିଓର ଏବଂ ପେଡିକିଓର ଭଳି ସ୍ୱତନ୍ତ୍ର ଉପଚାର ରଖାଯାଇଛି ।

ସେଲୁନଟି ବାପୁଜୀନଗରସ୍ଥିତ ପାତ୍ର ଇଲେକଟ୍ରୋନିକ୍ସ ପାଖ ଆରବିଏଲ୍ ବ୍ୟାଙ୍କ ବିଲଡିଂର ଦ୍ୱିତୀୟ ମହଲାରେ ରହିଛି । ଏହାର ଇଣ୍ଟେରିୟର୍ ଖୁବ୍ ଆକର୍ଷଣୀୟ ହୋଇଛି । ସ୍ୱତନ୍ତ୍ର ଭାବେ ବ୍ରାଇଡାଲ୍ ଏବଂ ଭିଆଇପି ରୁମ୍, ଫାସିଆଲ୍ ରୁମ୍ ଏବଂ ସ୍ପା କ୍ୟାବିନ୍ ବେଶ ଆରାମଦାୟକ ଏବଂ ଗ୍ରାହକଙ୍କ ମନଲାଖି କରାଯାଇଛି ।

ଗ୍ରାହକଙ୍କୁ ଉପଯୁକ୍ତ ସେବା ଯୋଗାଇବା ଆମର ମୁଖ୍ୟ ଲକ୍ଷ୍ୟ ବୋଲି ଲାଉଞ୍ଜ ୩୬୦ ବିୟୁଟି ସେଲୁନ୍ ର ପ୍ରତିଷ୍ଠାତା ପ୍ରିୟଙ୍କା ମିଶ୍ର କହିଛନ୍ତି । ବର୍ତ୍ତମାନର ଷ୍ଟାଇଲ୍ ଏବଂ ଫେସନ୍ ଟ୍ରେଣ୍ଡରେ ଆମେ ଗ୍ରାହକଙ୍କୁ ସୁଲଭ ମୂଲ୍ୟରେ ଅତ୍ୟାଧୁନିକ ବିୟୁଟି ଏବଂ ହେୟାର ଟ୍ରିଟମେଣ୍ଟଯୋଗାଇଦେବାକୁ ବଦ୍ଧ ପରିକର ବୋଲି ସେ କହିଛନ୍ତି । ଏଥିସହ ‘ଲାଉଞ୍ଜ ୩୬୦’ ଏହାର ନିଜସ୍ୱ ଉତ୍ପାଦଗୁଡ଼ିକୁ ଖୁବ୍ ଶୀଘ୍ର ଲଞ୍ଚ କରିବାକୁ ଯୋଜନା ରଖାଯାଇଥିବା ସେ କହିଛନ୍ତି ।